ഇന്ത്യ സെമിയിൽ; ശ്രീലങ്കയെ തകർത്തത് 302 റൺസിന്
മുംബൈ: ഏകദിന ലോകകപ്പിൽ ശ്രീലങ്കയെ തകർത്ത് ഇന്ത്യ സെമിയിൽ. 302 റൺസിന്റെ വമ്പൻ ജയമാണ് ഇന്ത്യ ശ്രീലങ്കക്കെതിരെ നേടിയത്. തുടർച്ചയായ ഏഴാം ജയത്തോടെ പോയന്റ് പട്ടികയില്‍ ഇന്ത്യ ഒന്നാം സ്ഥാനം തിരിച്ചുപിടിച്ചു. 358 റണ്‍സിന്‍റെ കൂറ്റന്‍ വിജയലക്ഷ്യം പിന്തുടര്‍ന്ന ശ്രീലങ്കയെ 19.4 ഓവറില്‍ 55 റണ്‍സിന് ഇന്ത്യൻ ബൗളർമാർ എറിഞ്ഞിട്ടു. 5 ഓവറിൽ 18 റണ്‍സിന് 5 വിക്കറ്റെടുത്ത മുഹമ്മദ് ഷമിയാണ് കളിയിലെ താരം. മുഹമ്മദ് സിറാജ് 3 വിക്കറ്റെടുത്തു.
ആദ്യം ബാറ്റുചെയ്ത ഇന്ത്യ 50 ഓവറില്‍ എട്ട് വിക്കറ്റ് നഷ്ടത്തില്‍ 357 റണ്‍സെടുത്തു. 92 റണ്‍സെടുത്ത ശുഭ്മാന്‍ ഗില്ലാണ് ഇന്ത്യയുടെ ടോപ് സ്കോറര്‍. വിരാട് കോലി 88 റൺസും, ശ്രേയസ് അയ്യര്‍ 82 റണ്‍സുമെടുത്തു.
