ഏകദിന ലോകകപ്പ്; ശ്രീലങ്കക്കെതിരെ ബംഗ്ലാദേശിന് 3 വിക്കറ്റ് ജയം
ന്യൂഡല്‍ഹി: ഏകദിന ലോകകപ്പിൽ ശ്രീലങ്കക്കെതിരെ 3 വിക്കറ്റിന്റെ വിജയവുമായി ബംഗ്ലാദേശ്. ശ്രീലങ്ക ഉയര്‍ത്തിയ 280 റണ്‍സ് വിജയലക്ഷ്യം നജ്മുള്‍ ഹൊസൈന്‍ ഷാന്റോ, ക്യാപ്റ്റന്‍ ഷാക്കിബ് അല്‍ ഹസന്‍ എന്നിവരുടെ അര്‍ധസെഞ്ചുറികളുടെ മികവില്‍ ബംഗ്ലാദേശ് 41.1 ഓവറില്‍ ഏഴ് വിക്കറ്റ് നഷ്ടത്തില്‍ മറികടന്നു. ആദ്യം ബാറ്റ് ചെയ്ത ശ്രീലങ്ക 105 പന്തിൽ 108 റൺസ് എടുത്ത ചരിത് അസലങ്കയുടെ സെഞ്ചുറിയുടെ കരുത്തിലാണ് ഭേദപ്പെട്ട സ്കോറിലെത്തിയത്. ശ്രീലങ്കയ്ക്ക് വേണ്ടി ദില്‍ഷന്‍ മധുശങ്ക മൂന്ന് വിക്കറ്റെടുത്തപ്പോള്‍ മഹീഷ് തീക്ഷണ, എയ്ഞ്ജലോ മാത്യൂസ് എന്നിവര്‍ രണ്ട് വിക്കറ്റ് വീതം സ്വന്തമാക്കി. ബംഗ്ലാദേശിന് വേണ്ടി 2 വിക്കറ്റും 82 റൺസുമെടുത്ത ഷാക്കിബ് അല്‍ ഹസന്‍ ആണ് കളിയിലെ താരം.
