ആവേശം നിറച്ച് മാക്‌സ്‌വെൽ; അഫ്ഗാനെ തകർത്ത് ഓസ്ട്രേലിയ സെമിയിൽ
മുംബൈ: പൊരുതി നേടിയ വിജയം. ആവേശകരമായ മത്സരത്തിൽ അഫ്ഗാനിസ്താനെ മൂന്ന് വിക്കറ്റിന് തകർത്ത് ഓസ്ട്രേലിയ സെമിയിൽ. 7 വിക്കറ്റിന് 91 റൺസ് എന്ന നിലയില്‍ തോല്‍വി മുന്നില്‍ കണ്ട് നില്‍ക്കെ ഗ്ലെൻ മാക്‌സ്‌വെൽ നേടിയ ഇരട്ട സെഞ്ചുറിയാണ് ടീമിന് ഉജ്ജ്വല വിജയം സമ്മാനിച്ചത്. അഫ്ഗാനിസ്താന്‍ ഉയര്‍ത്തിയ 292 റണ്‍സ് വിജയലക്ഷ്യം ഓസീസ് 46.5 ഓവറില്‍ ഏഴ് വിക്കറ്റ് നഷ്ടത്തില്‍ മറികടന്നു. മാക്‌സ്‌വെല്‍ 128 പന്തുകളില്‍ നിന്ന് 21 ഫോറും 10 സിക്സുമടക്കം 201റണ്‍സാണ് അടിച്ചെടുത്തത്. ഇതോടെ ഒരു ഘട്ടത്തില്‍ അനായാസ വിജയം കൊതിച്ച അഫ്ഗാന്‍ അവിശ്വസനീയമായി തകര്‍ന്നടിഞ്ഞു.
