ഭിന്നലിംഗക്കാര്‍ക്കായി ഇലക്ഷന്‍ വിഭാഗം ക്യാമ്പ് നടത്തി
തൃശൂർ: പ്രത്യേക സംക്ഷിപ്ത വോട്ടര്‍പട്ടിക പുതുക്കല്‍ 2024 ന്റെ ഭാഗമായി ഭിന്നലിംഗകാരായവര്‍ക്ക് വോട്ടര്‍പട്ടികയില്‍ പേര് ചേര്‍ക്കുന്നതിനും തിരുത്തല്‍ വരുത്തുന്നതിനും ഇലക്ഷന്‍ വിഭാഗം ക്യാമ്പ് നടത്തി. തൃശ്ശൂര്‍ സിവില്‍ സ്റ്റേഷന്‍ ഒന്നാം നിലയിലുള്ള ജില്ലാ ഇലക്ഷന്‍ വിഭാഗത്തിലാണ് ക്യാമ്പ് നടന്നത്.
പുതിയ ഇലക്ടര്‍ എന്റോള്‍മെന്റ്, തിരുത്തല്‍, ആധാര്‍ നമ്പര്‍ ഇലക്ടറല്‍ റോള്‍ ലിങ്ക് ചെയ്യല്‍ തുടങ്ങിയ സേവനങ്ങള്‍ ക്യാമ്പില്‍ ഒരുക്കിയിരുന്നു. ജില്ലാ തിരഞ്ഞെടുപ്പ് ഓഫീസറും ജില്ലാ കളക്ടറുമായ വി.ആര്‍. കൃഷ്ണ തേജയുടെ നിര്‍ദ്ദേശ പ്രകാരമാണ് ക്യാമ്പ് സംഘടിപ്പിച്ചത്. ഡെപ്യൂട്ടി കളക്ടര്‍ (ഇലക്ഷന്‍) എം.സി. ജ്യോതി, ജൂനിയര്‍ സൂപ്രണ്ട് എം. ശ്രീനിവാസ് എന്നിവര്‍ ക്യാമ്പിന് നേതൃത്വം നല്‍കി.
