പുതുക്കാട് നവകേരള സദസ്സ്;വിജയലക്ഷ്യത്തിനൊപ്പം കായികതാരങ്ങളും
പുതുക്കാട് നവ കേരള സദസ്സിന്റെ പ്രചരണാര്‍ത്ഥം കായികതാരങ്ങളുടെ കൂട്ടയോട്ടം സംഘടിപ്പിക്കുന്നു. ഡിസംബര്‍ 2 ശനിയാഴ്ച രാവിലെ 7.30 ന് പുതുക്കാട് സെന്റ് ജോസഫ് ഗ്രൗണ്ടില്‍ നിന്നും ആമ്പലൂര്‍ ജംഗ്ഷനിലേക്കാണ് കായിക താരങ്ങളുടെ കൂട്ടയോട്ടം സംഘടിപ്പിക്കുന്നത്. ഇത് സംബന്ധിച്ച അന്തിമ തീരുമാനം കൈക്കൊള്ളാനായി കെ.കെ രാമചന്ദ്രന്‍ എംഎല്‍എയുടെ അധ്യക്ഷതയില്‍ കൊടകര ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍ ആലോചനായോഗം ചേര്‍ന്നു. മണ്ഡലത്തിലെ പ്രധാന കായിക താരങ്ങളും കായിക അധ്യാപകരും യോഗത്തില്‍ പങ്കെടുത്തു. കൂട്ടയോട്ടത്തിന് ആവശ്യമായ സജ്ജീകരണങ്ങളും ക്രമീകരണങ്ങളും യോഗത്തില്‍ വിലയിരുത്തി.
നെന്മണിക്കര ഗ്രാമപഞ്ചായത്ത് പ്രസിഡണ്ട് ടി.എസ്. ബൈജു, കായിക അധ്യാപകനായ പീതാംബരന്‍ മങ്ങാട്ട്, സോണി സേവിയര്‍, ജോസ് കണ്ണത്ത് തുടങ്ങിയവര്‍ പങ്കെടുത്തു.
