ട്വന്റി 20 പരമ്പര സ്വന്തമാക്കി ഇന്ത്യ; ഓസീസിനെതിരായ വിജയം 20 റൺസിന്
റായ്പുര്‍: ഓസ്‌ട്രേലിയക്കെതിരായ നാലാം മത്സരത്തിൽ 20 റൺസിന്റെ ജയവുമായി ട്വന്റി 20 പരമ്പര സ്വന്തമാക്കി ടീം ഇന്ത്യ. റായ്പൂര്‍, ഷഹീദ് വീര്‍ നാരായണ്‍ സിംഗ് രാജ്യാന്തര സ്റ്റേഡിയത്തില്‍ നടന്ന മത്സരത്തിൽ ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ നിശ്ചിത ഓവറില്‍ 9 വിക്കറ്റ് നഷ്ടത്തില്‍ 174 റണ്‍സാണ് നേടിയത്. മറുപടി ബാറ്റിങ്ങിൽ ഓസീസിന് 7 വിക്കറ്റ് നഷ്ടത്തില്‍ 154 റണ്‍സെടുക്കാനേ സാധിച്ചുള്ളൂ. 4 ഓവറില്‍ 16 റണ്‍സ് വഴങ്ങി 3 വിക്കറ്റ് വീഴ്ത്തിയ അക്ഷര്‍ പട്ടേലും, 17 റണ്‍സ് വഴങ്ങി ഒരു വിക്കറ്റ് വീഴ്ത്തിയ രവി ബിഷ്‌ണോയിയുമാണ് ഇന്ത്യൻ വിജയത്തിൽ നിർണ്ണായക പങ്കു വഹിച്ചത്. ദീപക് ചാഹർ 2 വിക്കറ്റെടുത്തു.
