മണപ്പുറം ബീച്ച് ഫെസ്റ്റിവൽ 2023; സംഘാടക സമിതി ഓഫീസിന്റെ ഉദ്ഘാടനം നടന്നു
വലപ്പാട്: ആല ചേറ്റുവ മണപ്പുറത്തിന്റെ മഹനീയ പൈതൃകം ഉൾക്കൊണ്ടുകൊണ്ട് ഡിസംബർ 24 മുതൽ 31 വരെ കഴിമ്പ്രത്ത് നടക്കുന്ന മണപ്പുറം ബീച്ച് ഫെസ്റ്റിവൽ 2023 ന്റെ സംഘാടക സമിതി ഓഫീസിന്റെ ഉദ്ഘാടനം ജില്ലാ പഞ്ചായത്ത് ക്ഷേമ കാര്യ സ്റ്റാൻഡിങ് കമ്മിറ്റി ചെയർമാൻ പി എം അഹമ്മദ് നിർവഹിച്ചു. പ്രസ്തുത യോഗത്തിൽ വലപ്പാട് ഗ്രാമ പഞ്ചായത്ത് പ്രസിഡണ്ട് ഷിനിത ആഷിഖ് അധ്യക്ഷത വഹിച്ചു. സംഘാടക സമിതി ജനറൽ കൺവീനർ പി എസ് ഷജിത്ത് സ്വാഗതം പറഞ്ഞു. മധു ശക്തിധര പണിക്കർ മുഖ്യ അതിഥിയായി. കോർഡിനേറ്റർ വി ആർ ബാബു, രക്ഷാധികാരി പി എ രാമദാസ്, വലപ്പാട് പഞ്ചായത്ത് വൈസ് പ്രസിഡണ്ട് വി ആർ ജിത്ത്, വലപ്പാട് പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്സൺ പ്രില്ല സുധി, സിനി സീരിയൽ ആർട്ടിസ്റ്റ് ഷൈജൻ ശ്രീവത്സം, അതുല്യഘോഷ് വെട്ടിയാട്ടിൽ, എൻ എസ് ശിബു, എൻ ആർ സിദ്ധൻ, പ്രിയൻ കാഞ്ഞിരപറമ്പിൽ, പി എസ് നിമോദ്, എൻ വി ദേവൻ, ട്രഷറർ എൻ പി രാജൻ എന്നിവർ ആശംസകൾ അർപ്പിക്കുകയും ശ്രേയസ് രാമചന്ദ്രൻ ഏറാട്ട് നന്ദി രേഖപ്പെടുത്തുകയും ചെയ്തു.
