സി എസ് എം ‘ആനുവൽ ഡേ’; ഗോപിനാഥ് മുതുകാട് ഉദ്ഘാടനം ചെയ്തു
ഇടശ്ശേരി: സി എസ് എം സെൻട്രൽ സ്കൂളിൻ്റെ വാർഷികാഘോഷ പരിപാടികൾ സുപ്രസിദ്ധ മാന്ത്രികനും, ‘മോട്ടിവേഷ്ണൽ സ്പീക്കറുമായ ‘ ഗോപിനാഥ് മുതുകാട് ഉദ്ഘാടനം ചെയ്തു. സി എസ് എം ചീഫ് പാട്രൻ ഡോ.പി.മുഹമ്മദാലി അധ്യക്ഷനായിരുന്നു.’ വിവിധ മേഖലകളിൽ മികവാർന്ന പ്രകടനം കാഴ്ചവെച്ചവർക്കുള്ള എക്സലൻസ് അവാർഡുകൾ സമ്മാനിച്ചു. ചെയർപേഴ്സൺ സഫിയ റഹ്മാൻ, പി ടി എ പ്രസിഡണ്ട് പി.ഐ ഷൗക്കത്തലി, വൈസ് ചെയർമാൻ സി.എം മുഹമ്മദ് ബഷീർ, സെക്രട്ടറി സി.എം നൗഷാദ്, മാനേജർ പി.കെ ഹൈദരാലി, ജോയിൻറ് സെക്രട്ടറി സി.എം സൈഫുദ്ദീൻ, റഹിം സാഹിബ് തുടങ്ങിയവർ ആശംസകളർപ്പിച്ചു സംസാരിച്ചു. വൈസ് പ്രിൻസിപ്പൾ നദീറ ജാബിർ വാർഷിക റിപ്പോർട്ട് അവതരിപ്പിച്ചു. കെ ജി കോ ഓർഡിനേറ്റർ കെ. ടി രമ, ഹയർ സെക്കണ്ടറി കോ ഓർഡിനേറ്റർ ഷാജു ടി.കെ, ഹെഡ്മിസ്ട്രസ്സുമാരായ പ്രിയ കെ.കെ, ജിഷ ഭരതൻ തുടങ്ങിയവർ സന്നിഹിതരായിരുന്നു. പ്രിൻസിപ്പൾ ഡോ.എം.ദിനേഷ് ബാബു സ്വാഗതവും ,സ്കൂൾ ഹെഡ്ഗേൾ ആർദ്ര സി.എൻ നന്ദിയും പറഞ്ഞു. തുടർന്ന് വിദ്യാർത്ഥികൾ അവതരിപ്പിച്ച വൈവിധ്യമാർന്ന കലാപരിപാടികളും ഉണ്ടായിരുന്നു.
