കാർഷിക മേഘലയുടെ വളർച്ചക്ക് രാഷ്ട്രീയ പാർട്ടികൾ മുൻകൈയെടുക്കണം; പന്ന്യൻ രവീന്ദ്രൻ

തൃശൂർ: ആരോഗ്യമുള്ള സമൂഹത്തിൻ്റെ വളർച്ചയിൽ കാർഷിക മേഘലയുടെ പങ്ക് വളരെ വലുതാണെന്നും ആ പ്രവർത്തനത്തിന് രാഷ്ടീയ പാർട്ടികൾ മുൻകൈയെടുത്ത് പ്രവർത്തിക്കണമെന്നും അതുവഴി രാഷ്ടീയ പ്രവർത്തന ശൈലി യിൽ വലിയ മാറ്റം സൃഷ്ടിക്കാൻ കഴിയുമെന്നും സി പി ഐ മുൻ സംസ്ഥാന സെക്രട്ടറി പന്ന്യൻ രവീന്ദ്രൻ അഭിപ്രായപ്പെട്ടു. കാർഷിക രംഗത്ത് ഉത്പാദനം വർദ്ധിപ്പിച്ച് കേരളം ഭക്ഷ്യ സ്വയംപര്യാപ്തത ഉറപ്പിക്കാൻ എല്ലാവരും കാർഷികവൃത്തിയിൽ വ്യാപൃതരാകണമെന്നും വി കെ മോഹനൻ കാർഷിക സംസ്കൃതിയുടെ നേത്യത്വത്തിൽ തുടർച്ചയായി കാർഷിക പ്രവർത്തനം ഇതിന് നല്ല മാതൃകയാണെ ന്നും പന്ന്യൻ രവീന്ദ്രൻ പറഞ്ഞു. ശ്രീരാമൻ ചിറ പാടശേഖരത്തിൽ ആരംഭിച്ച വി കെ മോഹനൻ കാർഷിക സംസ്ക്യതിയുടെ കണിവെള്ളരി – തണ്ണി മത്തൻ – പച്ചക്കറി കൃഷി വിത്തിടൽ ചടങ്ങ് നിർവ്വഹിച്ച് പ്രസംഗിക്കുകയായിരുന്നു അദ്ദേഹം. മുൻകൃഷി വകുപ്പ് മന്ത്രി വി എസ് സുനിൽകുമാർ അധ്യക്ഷത വഹിച്ച ചടങ്ങിൽ ജില്ലാ പഞ്ചായത്ത് പ്രസിഡണ്ട് വി എസ് പ്രിൻസ്, സി പി ഐ ജില്ലാ അസി: സെക്രട്ടറി ടി ആർ രമേശ് കുമാർ, സി പി ഐ സംസ്ഥാന കൗൺസിൽ അംഗങ്ങളായ കെപി സന്ദീപ്, ഷീല വിജയകുമാർ, ഷീന പറയങ്ങാട്ടിൽ ,സി പി ഐ നാട്ടിക മണ്ഡലം സെക്രട്ടറി സി ആർ മുരളീധരൻ,ജില്ലാ പഞ്ചായത്ത് അംഗം വി എൻ സുർജിത്ത്, താന്ന്യം പഞ്ചായത്ത് പ്രസിഡണ്ട് ശുഭ സുരേഷ്, അന്തിക്കാട് പഞ്ചായത്ത് പ്രസിഡണ്ട് ജീന നന്ദൻ, രതി അനിൽകുമാർ ജ്യോതി രാമൻ, വിൽസൺപുലിക്കോട്ടിൽ, ബാബു വിജയകുമാർ, കെ കെ പ്രദീപ്, പി കെ ശ്രീചി, എ കെ അനിൽകുമാർ, സീന അനിൽകുമാർ എന്നിവർ പങ്കെടുത്തു