സ്പോട് ഫിലിം കോണ്ടെസ്റ്റുമായി കെ എഫ് ഇ കുവൈറ്റ്

കുവൈറ്റ് : കുവൈറ്റ് ഫിലിം എന്തുസിയസ്റ്റ്സ് (KFE ) സംഘടിപ്പിക്കുന്ന സ്പോട് ഫിലിം കോണ്ടെസ്റ്റ് ക്വിക് ഫ്ലിക്സ് മെയ് 31-ന് 5 മണി മുതൽ ഡി പി എസ് സ്കൂളിൽ നടക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു. കുവൈറ്റിന്റെ ചരിത്രത്തിൽ ആദ്യമായി നടത്തുന്ന സ്പോട് ഫിലിം കോണ്ടെസ്റ്റ് മലയാള ചലച്ചിത്ര മേഖലയിലെ പ്രശസ്ത ഡയറക്ടർ ജിനു എബ്രഹാം, ഛായാഗ്രഹൻ സമീർ ഹക്ക് എന്നിവർ സ്പോട് ഫിലിം കോണ്ടെസ്റ്റ് ജഡ്ജ്മെന്റ് നിർവഹിക്കും. പ്രശസ്ത അഭിനേത്രി റീമ കല്ലിങ്കൽ മുഖ്യാതിഥി ആയി പങ്കെടുക്കും. ആട് ജീവിതം സിനിമയിലെ പെരിയോനെ.. ഗാനം പാടി പ്രേക്ഷക ശ്രദ്ധ പിടിച്ചുപറ്റിയ ജിതിൻ രാജ് , കുവൈറ്റിലെ ഗായകർ എന്നിവർ പങ്കെടുക്കുന്ന സംഗീത സന്ധ്യയും അരങ്ങേറും. പ്രവേശനം സൗജന്യം ആയിരിക്കും എന്ന് പ്രോഗ്രാം ഡയറക്ടർ വട്ടിയൂർക്കാവ് കൃഷ്ണകുമാർ വാർത്ത സമ്മേളനത്തിൽ അറിയിച്ചു. KFE യുടെ ഈ വർഷത്തെ രാമു കാര്യാട്ട് ലൈഫ് ടൈം അച്ചിവ്മെന്റ് അവാർഡ് ബാബുജി ബത്തേരിക്കും, പ്രാദേശിക സിനിമ സാങ്കേതിക മേഖലയിലെ സമഗ്ര സംഭവനക്ക് ഉള്ള അവാർഡ് ബിജു ഭദ്രയ്ക്കും നൽകുമെന്ന് KFE രക്ഷാധികാരി ജിനു വൈക്കത്ത് അറിയിച്ചു. വാർത്ത സമ്മേളത്തിൽ കൺവീനർമാരായ ജിജുന ഉണ്ണി, ഹബീബുള്ള മുറ്റിച്ചൂർ, ബിവിൻ തോമസ്, ശരത്ത് നായർ എന്നിവർ പങ്കെടുത്തു.