ഖത്തർ ദേശീയ കരാട്ടെ ചാമ്പ്യൻഷിപ്പിൽ മലയാളിക്കും മെഡൽ തിളക്കം

ദോഹ: ഖത്തർ കരാട്ടെ ദേശീയ കുമിത്തെ ചാമ്പ്യൻഷിപ്പ് 2024 -ൽ മലയാളി താരം താഹിർ അഹമ്മദിന് പുരുഷ സീനിയേഴ്സ് +75 കിലോ വിഭാഗത്തിൽ വെങ്കല മെഡൽ ലഭിച്ചു. തൃശൂർ ജില്ലയിലെ വാടാനപ്പള്ളി, ഗണേശമംഗലം സ്വദേശിയാണ് താഹിർ അഹമ്മദ്. 12 വർഷമായി ഖത്തറിൽ ഹാറ്റ്കോ ട്രേഡിങ്ങ് & കോൺട്രാക്ടിങ് കമ്പനിയിൽ ഡ്രാഫ്റ്റിംഗ് കോർഡിനേറ്റർ ആയി ജോലി ചെയ്തു വരുന്ന താഹിർ അഹമ്മദ് പ്രൊഫഷണൽ കരാട്ടെ ട്രെയിനർ കൂടിയാണ്. യു എം എ ഐ ഖത്തറിൽ കരാട്ടെ കോച്ചിങ് നൽകി വരുന്നു.

കരാട്ടെ മേഖലയിൽ 20 വർഷത്തോളമായി പ്രവർത്തിച്ചു വരുന്നതായി താഹിർ അഹമ്മദ് `അറിയിച്ചു. 10 -ആം ക്ളാസ്സ് മുതൽ ഈ രംഗത്തേക്ക് കടന്നുവന്ന താഹിർ സംസ്ഥാന തലത്തിലും, ദേശിയ തലത്തിലും നിരവധി പുരസ്കാരങ്ങളും നേടിയിട്ടുണ്ട്. അഹമ്മദ് , ഹഫ്സത്ത് ദമ്പതികളുടെ മകനായ താഹിർ അഹമ്മദ് ജോലിക്കൊപ്പം പുതിയ മത്സരങ്ങൾക്കുള്ള തയ്യാറെടുപ്പുകളിൽ ആണ്.