കുവൈറ്റിലെ എറണാകുളം ജില്ലാ അസോസിയേഷന് (EDA) പുതിയ സാരഥികൾ
കുവൈറ്റ് : കുവൈറ്റിലെ എറണാകുളം ജില്ലക്കാരുടെ പൊതു കൂട്ടായ്മ ആയ എറണാകുളം ജില്ലാ അസോസിയേഷൻ വാർഷിക പൊതുയോഗം ചേർന്നു. അബ്ബാസിയ പോപ്പിൻസ് ഹാളിൽ ചേർന്ന വാർഷിക പൊതുയോഗത്തിൽ ഐക്യകണ്ടേന പുതിയ ഭാരവാഹികളെ തെരഞ്ഞെടുത്തു. സാമൂഹിക രംഗത്ത് നിറസാന്നിധ്യമായ വർഗ്ഗീസ് പോൾ ഇഞ്ചയ്ക്കൽ ആണ് സംഘടനയുടെ പുതിയ പ്രസിഡന്റ് ആയി തെരഞ്ഞെടുക്കപ്പെട്ടത് . തങ്കച്ചൻ ജോസഫ് ജന.സെക്രട്ടറി ആയും പ്രിൻസ് ബേബി ട്രഷറർ ആയും തെരഞ്ഞെടുക്കപ്പെട്ടു.
പ്രവീൺ മാടശ്ശേരി (ജന. കോഡി) തെരേസ ആൻറണി (മഹിളാവേദി ചെയർപേഴ്സൺ) ബ്രിജിത്ത് മരിയ ബെന്നി (ബാലവേദി പ്രസി) എന്നിവരെ തെരഞ്ഞെടുത്തു. വിവിധ യൂണിറ്റുകളുടെ കൺവീനർ മാരായി ബാബുരാജ് പള്ളുരുത്തി (സാൽമിയ), പീറ്റർ മാത്യു (അബ്ബാസിയ ), ജോളി ജോർജ് (ഫഹാഹിൽ) ഫ്രാൻസിസ് കെ എം (അബ്ബാസിയ വെസ്റ്റ് ) എന്നിവരും ചുമതലയേറ്റു. 2008 -നിലവിൽ വന്ന സംഘടന ഇത് വരെ കുവൈറ്റിലും നാട്ടിലുമായി നിരവധി ജീവകാരുണ്യ പ്രവർത്തനങ്ങൾ നടത്തിവരുന്നതായി സംഘാടകർ വാർത്താ കുറിപ്പിൽ അറിയിച്ചു. ഇതുവരെ അംഗങ്ങളാവാത്ത എറണാകുളം ജില്ലക്കാരെ ഉൾപ്പെടുത്തുന്നതിന് മെമ്പർഷിപ്പ് ക്യാമ്പയിൻ ജൂൺ 7 മുതൽ സെപ്റ്റംബർ 30 വരെ സംഘടിപ്പിക്കുമെന്നും സംഘാടകർ വാർത്താ കുറിപ്പിൽ അറിയിച്ചു.
