കുവൈറ്റ് അന്താരാഷ്ട്ര വിമാനത്താവളത്തിൽ ലുലു എക്സ്ചേഞ്ച് തുറന്നു
കുവൈറ്റ് : ലുലു എക്സ്ചേഞ്ച് കുവൈറ്റ് അന്താരാഷ്ട്ര വിമാനത്താവളത്തിൽ കസ്റ്റമർ എൻഗേജ്‌മെന്റ് സെന്റർ തുറന്നു. കുവൈറ്റിലെ 36-ആമത് ശാഖയാണിത്. എയർപോർട്ട് ടെർമിനൽ 1-ൽ ആരംഭിച്ച ശാഖ ലുലു എക്സ്ചേഞ്ച് കുവൈറ്റ് ജിഎം രാജേഷ് രംഗ്രേ ഉൾപ്പെടെയുള്ള ഉന്നത മാനേജ്‌മെന്റ് പ്രതിനിധികളുടെ സാന്നിധ്യത്തിൽ സിഒഒ നാരായൺ പ്രധാൻ ഉദ്ഘാടനം ചെയ്തു. കസ്റ്റമർ എൻഗേജ്‌മെന്റ് സെന്ററുകളും ഓൺലൈൻ ആപ്പ്ളിക്കേഷനും ഉപയോക്താക്കൾക്ക് വളരെ വിശ്വാസയോഗ്യമായ സർവീസ് ആണ് നൽകുന്നതെന്നും തുടർന്നും സേവനങ്ങൾ വിപുലീകരിക്കാനും സുരക്ഷ ഉറപ്പാക്കാനുമുള്ള ശ്രമങ്ങൾ തുടരുമെന്നും മാനേജ്‌മെന്റ് അറിയിച്ചു.
