നാലമ്പല ദർശനം സ്പെഷ്യൽ കെ എസ് ആർ ടി സി ഫ്ലാഗ് ഓഫ് ചെയ്തു

തൃപ്രയാർ : നാലമ്പല ദർശനത്തിനായി തൃപ്രയാർ ശ്രീരാമ ക്ഷേത്രത്തിൽ നിന്നും അനുവദിച്ച സ്പെഷ്യൽ കെ എസ് ആർ ടി സി ബസ്സിന്റെ ഫ്ലാഗ് ഓഫ് സി സി മുകുന്ദൻ എംഎൽഎ നിർവ്വഹിച്ചു. രാവിലെ 7.30 ന് തൃപ്രയാർ ശ്രീരാമ ക്ഷേത്രത്തിൽ നിന്നും ആരംഭിച്ച് , ഇരിങ്ങാലക്കുട കൂടൽമാണിക്യ ക്ഷേത്രം , എറണാകുളം തിരുമൂഴിക്കുളം ക്ഷേത്രം , പായമ്മൽ ശത്രുഘ്ന ക്ഷേത്രം എന്നിവിടങ്ങളിൽ ചുറ്റി തിരിച്ച് വൈകീട്ട് തൃപ്രയാറിൽ തന്നെ വാഹനം എത്തിച്ചേരും. ഫ്ലാഗ് ഓഫ് ചടങ്ങിൽ അഡ്വ. ഏ.യു രഘു രാമപണിക്കർ , തൃപ്രയാർ ക്ഷേത്രം മനേജർ സുരേഷ്കുമാർ , മുൻ മാനേജർ മനോജ് , തൃപ്രയാർ ക്ഷേത്ര ഉപദേശക സമിതി പ്രസിഡൻറ് രാജൻ പാറേക്കാട്ട്, സെക്രട്ടറി വി. ശശിധരൻ, ട്രഷറർ വി ആർ പ്രകാശൻ മെമ്പർമാരായ കെ.കെ.പുഷ്ക്കരൻ, മണികണ്ഠൻ .സി.എസ് തുടങ്ങിയവർ പങ്കെടുത്തു. കർക്കിടക മാസത്തിലെ എല്ലാ ദിവസവും നാലമ്പല ദർശനത്തിനായി ബസ് സർവ്വീസ് ഉണ്ടായിരിക്കും.