‘ഓർമ്മകളിൽ എന്നും ഉമ്മൻ‌ചാണ്ടി’ ഓ.ഐ.സി.സി കുവൈറ്റ് അനുസ്മരണ സമ്മേളനം
കുവൈറ്റ് : ഒ.ഐ.സി.സി കുവൈറ്റ് നാഷണൽ കമ്മിറ്റിയുടെ നേതൃത്വത്തിൽ ‘ഓർമ്മകളിൽ എന്നും ഉമ്മൻ‌ചാണ്ടി’ എന്ന പേരിൽ ഉമ്മൻ ചാണ്ടി അനുസ്മരണ സമ്മേളനം സംഘടിപ്പിച്ചു. അനുസ്മരണ സമ്മേളനത്തിന് കുവൈറ്റ് ഒ.ഐ.സി.സി പ്രസിഡന്റ് വർഗീസ് പുതുക്കുളങ്ങര അധ്യക്ഷത വഹിച്ചു.
കുവൈറ്റിന്റെ ചുമതലയയുള്ള കെ.പി.സി.സി ജനറൽ സെക്രട്ടറി അഡ്വ. ബി.എ അബ്ദുൽ മുത്തലിബ് ഓൺലൈനിലൂടെ സമ്മേളനം ഉദ്ഘാടനം ചെയ്തു. കേരളത്തിന്റെ വികസന രംഗത്ത് ഉമ്മൻ ചാണ്ടി നൽകിയ സംഭാവനകളും അദ്ദേഹത്തിന്റെ ദീർഘ വീക്ഷണവും കൂടാതെ ഏത് പ്രതിസന്ധിയെയും നിറഞ്ഞ പുഞ്ചിരിയോട് കൂടി നേരിട്ടിരുന്ന അദ്ധേഹത്തിന്റെ ശൈലിയും രാഷ്ട്രീയപ്രവർത്തകർക്ക് മാതൃകയാക്കാൻ കഴിയുന്ന മഹത് വ്യക്തിത്വമായിരുന്നു ഉമ്മൻ ചാണ്ടിയെന്ന് ഉദ്ഘാടന പ്രസംഗത്തിൽ അദ്ധേഹം പറഞ്ഞു. ഓ.ഐ.സി.സി ഗ്ലോബൽ കമ്മറ്റി ചെയർമാൻ കുമ്പളത്ത് ശങ്കരപ്പിള്ള വിർച്വൽ ആയി മുഖ്യ പ്രഭാഷണം നടത്തി.
ഹാരിസ് വള്ളിയോത്ത് (കെ.എം.സി.സി), അനിൽ കുമാർ (കല), അബ്ദുൽ സലാം (കെ.കെ.എം.എ), ഡിനു (സാരഥി), മാർട്ടിൻ (ജോസഫ് ഗ്രൂപ്പ്), കാർത്തി (എൻ.സ്.സ്), രാജീവ് നാടുവിലേമുറി(ഒ.ഐ.സി.സി ട്രഷറർ), കൃഷ്ണൻ കടലുണ്ടി (ഒ.ഐ.സി.സികോഴിക്കോട്), സുരേന്ദ്രൻ മൂങ്ങത്ത് (ഒ.ഐ.സി.സി കാസർഗോഡ്), ബിനോയ് ചന്ദ്രൻ (ഒ.ഐ.സി.സി ആലപ്പുഴ), ബൈജു പോൾ (ഒ.ഐ.സി.സി ഇടുക്കി), ജസ്റ്റിൻ (ഒ.ഐ.സി.സി കോട്ടയം), അക്ബർ വയനാട് (ഒ.ഐ.സി.സി വയനാട് ), റോയ് യോയാക്കി (ഒ.ഐ.സി.സി എറണാംകുളം), ജലിൻ തൃപ്രയാർ (ഒ.ഐ.സി.സി തൃശൂർ), ഇസ്മായിൽ (ഒ.ഐ.സി.സി പാലക്കാട് ), സിദ്ദിഖ് അപ്പക്കൻ (ഒ.ഐ.സി.സി കണ്ണൂർ ), ഷോബിൻ സണ്ണി (ഒ.ഐ.സി.സി യൂത്ത് വിങ്), ആന്റോ (ഒ.ഐ.സി.സി വെൽഫെയർ), സജീവ് നാരായണൻ, ബാത്തർ വൈക്കം, റെജി കൊരുത് എന്നിവർ അനുസ്മരണ പ്രഭാഷണം നടത്തി.
കുവൈറ്റിലെ സാമൂഹിക രാഷ്ട്രീയ രംഗത്തെ പ്രമുഖരടക്കം നൂറ്കണക്കിന് ആളുകൾ പങ്കെടുത്ത സമ്മേളനത്തിൽ പുഷ്പാർച്ചനയും, പായസ വിതരണവും നടന്നു. ഒ.ഐ.സി.സി കുവൈറ്റ് നാഷണൽ കമ്മറ്റി സെക്രട്ടറിമാരായ നിസ്സാം എം.എ സ്വാഗതവും ജോയ് കരവാളൂർ നന്ദിയും രേഖപ്പെടുത്തി. സുരേഷ് മാത്തൂർ ഏകോപനം നിർവഹിച്ചു.
