തൃശൂരിൽ റോഡപകടത്തിൽ ആർ എസ് എസ് നേതാവ് അന്തരിച്ചു
കാഞ്ഞാണി: തൃശ്ശൂര്‍ കാഞ്ഞാണിയില്‍ ബസും ബൈക്കും കൂട്ടിയിടിച്ച് ഉണ്ടായ അപകടത്തിൽ ബൈക്ക് യാത്രക്കാരനായ യുവാവ് അന്തരിച്ചു. അന്തിക്കാട് പള്ളത്ത് രവി രാമചന്ദ്രന്‍ (38) ആണ് നിര്യാതനായത്. ആര്‍.എസ്.എസ്. അന്തിക്കാട് മണ്ഡലം സേവാ പ്രമുഖ് ആയിരുന്നു അന്തരിച്ച രവി രാമചന്ദ്രന്‍. ശനിയാഴ്ച രാവിലെ 8.15-ന് കാഞ്ഞാണി സെയ്ന്റ് തോമസ് പള്ളി കപ്പേളയ്ക്ക് സമീപം ആണ് അപകടമുണ്ടായത്. ഉടന്‍തന്നെ ഒളരിക്കരയിലെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും ജീവന്‍ രക്ഷിക്കാനായില്ല. ഭാര്യയും രണ്ട് മക്കളുമുണ്ട്.
