മൂന്ന് ദിവസം പാസ്‌പോര്‍ട്ട് സേവനം തടസ്സപ്പെടും
തൃശൂർ: സാങ്കേതിക അറ്റകുറ്റപ്പണി നടക്കുന്നതിനാല്‍ പാസ്‌പോര്‍ട്ട് സേവാ പോര്‍ട്ടല്‍ വഴിയുള്ള പാസ്‌പോര്‍ട്ട് സേവനം തടസ്സപ്പെടും. ഇന്ന് രാത്രി 8 മുതല്‍ സെപ്റ്റംബര്‍ 2നു രാവിലെ 6 വരെയാണ് പാസ്‌പോര്‍ട്ട് സേവനം മുടങ്ങുക. ഓഗസ്റ്റ് 30ന് എല്ലാ അപ്പോയിൻ മെൻ്റുകളും ഒഴിവാക്കി. ഈ ദിവസങ്ങളില്‍ വ്യക്തികള്‍ക്ക് പാസ്‌പോര്‍ട്ട് സേവാ പോര്‍ട്ടലില്‍ ലോഗിന്‍ ചെയ്യാനുമാകില്ല. അന്നേദിവസം അപ്പോയിൻ മെൻ്റുകള്‍ ലഭിച്ച അപേക്ഷകരെ അവരുടെ അപ്പോയിൻ മെൻ്റുകളെക്കുറിച്ചും അടുത്ത ഘട്ടങ്ങളെക്കുറിച്ചും എസ്എംഎസ് വഴി അറിയിക്കും. സെപ്റ്റംബര്‍ രണ്ടു മുതലുള്ള ദിവസങ്ങളിലായി അപ്പോയൻ മെൻ്റ് ലഭിക്കുമെന്ന് പാസ്‌പോര്‍ട്ട് ഓഫീസ് അധികൃതര്‍ അറിയിച്ചു.
