കർണ്ണ എസ്.മേനോന് ആദരവ് നൽകി നാട്ടിക എൻ.എസ്.എസ് കരയോഗം

തൃപ്രയാർ: നാട്ടിക എൻ.എസ്.എസ് കരയോഗത്തിന്റെ 36 -മത് വാർഷികത്തോട് അനുബന്ധിച്ച് നടന്ന പൊതുയോഗം എൻ.എസ്.എസ് താലൂക്ക് യൂണിയൻ സെക്രട്ടറി ഒ.രാജഗോപാൽ ഉദ്ഘാടനം ചെയ്തു. കരയോഗം പ്രസിഡൻറ് ശശിധരമേനോൻ അധ്യക്ഷത വഹിച്ചു. റായ്പൂരിൽ നടന്ന ദേശീയ പഞ്ചഗുസ്തി മത്സരത്തിൽ 18 വയസ്സിന് താഴെയുള്ള 60-kg വിഭാഗത്തിൽ വെങ്കല മെഡൽ കരസ്ഥമാക്കിയ കർണ്ണ എസ്.മേനോനെ കരയോഗം ആദരിച്ചു. കരയോഗം സെക്രട്ടറി സി. കൃഷ്ണകുമാർ, വൈസ് പ്രസിഡന്റ് അയ്യപ്പൻകുട്ടി, വനിതാ സമാജം സെക്രട്ടറി വത്സല വാസുദേവ്, സതീഷ് കോങ്ങാട്ടിൽ, ചിദംബരൻ എന്നിവർ സംസാരിച്ചു.