ഐ.ടി.ഐ ഇലക്ട്രോണിക്സ് മെക്കാനിക് ട്രേഡില്‍ സീറ്റൊഴിവ്
നെടുപുഴ : പട്ടികജാതി വികസന വകുപ്പിന്റെ കീഴിലുള്ള നെടുപുഴ ഹെര്‍ബെര്‍ട്‌നഗര്‍ ഐ.ടി.ഐയില്‍ രണ്ട് വര്‍ഷത്തെ എന്‍.സി.വി.ടി അംഗീകൃത കോഴ്‌സായ ഇലക്ട്രോണിക്സ് മെക്കാനിക് ട്രേഡില്‍ 6 സീറ്റുകള്‍ ഒഴിവുണ്ട്. താല്‍പര്യമുള്ള പട്ടികജാതിയില്‍പ്പെട്ട വിദ്യാര്‍ത്ഥികള്‍ സ്ഥാപനവുമായി ബന്ധപ്പെടണം. പൂര്‍ണമായും സൗജന്യമായ പരിശീലനത്തിന് പുറമെ 800 രൂപ പ്രതിമാസ സ്‌റ്റൈപ്പന്റ്, ലംപ്‌സം ഗ്രാന്റ്, യൂണിഫോം അലവന്‍സ്, ഹോസ്റ്റല്‍ അലവന്‍സ്, സ്റ്റഡി ടൂര്‍, ടെക്സ്റ്റ് ബുക്കുകള്‍, സൗജന്യ ഉച്ചഭക്ഷണം, പോഷകാഹാരം എന്നിവ നല്‍കും. പാസ്സാകുന്ന ട്രെയിനികള്‍ക്ക് 4000 രൂപ ടൂള്‍ കിറ്റ് അലവന്‍സും ലഭിക്കും. ഫോണ്‍: 759405967.
