അമ്മമാർക്ക് ഓണപ്പുടവയുമായി എൻ എസ് എസ് വിദ്യാർത്ഥികൾ
യോഗിനിമാതാ ഭൂവാനേശ്വരി മന്ദിരത്തിലെ അമ്മമാർക്ക് ഓണപ്പുടവയുമായി വി പി എം എസ് ൻ ഡി പി എച്ച് എസ് എസ് കഴിമ്പ്രം. വിദ്യാലയത്തിലെ എൻ എസ് എസ് വോളണ്ടിയേഴ്സ്. വയോജനങ്ങൾ പരിഗണിക്കപ്പെടേണ്ടവരാണെന്ന ബോധ്യം വരും തലമുറയിൽ ഊട്ടി ഉറപ്പിക്കുവാൻ ഒരവസരം ഒരുക്കുകയായിരുന്നു കഴിമ്പ്രം വിദ്യാലയത്തിലെ എൻ എസ് എസ് യൂണിറ്റ്. മന്ദിരത്തിലെ മുതിർന്ന അംഗമായ കമലമ്മ കുട്ടികളുടെ കയ്യിൽ നിന്ന് ഓണപ്പുടവകൾ ഏറ്റുവാങ്ങി. യോഗിനി മാതാ ഭൂവാനേശ്വരി മാതൃമന്ദിരം മാനേജർ സുനിൽ മടത്തിപറമ്പിൽ, താന്ന്യം അഞ്ചാം വാർഡ് മെമ്പർ ആന്റോ തൊറയൻ എന്നിവർ സാന്നിധ്യം വഹിച്ചു. എൻ എസ് എസ് പ്രോഗ്രാം ഓഫീസർ സിന്ധു ടി ആർ, കാവ്യ ടി ആർ, എൻ എസ് എസ് അംഗങ്ങളായ നിരഞ്ജന, ആദർശ്, സാനുകൃഷ്ണ, ആദിലക്ഷ്മി, ആദിത്യ, ദേവിക, നന്ദിത എന്നിവർ ഓണപ്പുടവ അമ്മമാർക്ക് കൈമാറി.
