ERA;2024 ഓണാഘോഷം വിപുലയമായി നടത്തി
എടമുട്ടം: എടമുട്ടം റസിഡൻസ് അസോസിയേഷൻ 2024 ഓണാഘോഷം കമ്മാറ ഹാളിൽ സമുചിതമായി ആഘോഷിച്ചു. പ്രസിഡണ്ട് പി എൻ സുചിന്ദ് അധ്യക്ഷത വഹിച്ചു. വലപ്പാട് ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സുധീർ പട്ടാലി ഉദ്ഘാടനം നിർവഹിച്ചു. സെക്രട്ടറി ഡോ. ഷാജി ദാമോദരൻ ആശംസകൾ അർപ്പിച്ചു, അസോസിയേഷനിലെ മികച്ച വിജയം കൈവരിച്ച വിദ്യാർഥികൾക്ക് പുരസ്കാരങ്ങൾ വിതരണം ചെയ്തു. തുടർന്ന് തിരുപ്പഴഞ്ചേരി ശ്രീപാർവതി കലാസംഗം അവതരിപ്പിച്ച കൈകൊട്ടിക്കളി, അംഗങ്ങളുടെ വടംവലി മത്സരം, വിവിധ കലാപരിപാടികൾ, ക്രൈസ്റ്റ് കോളേജ് ബാൻഡ് അവതരിപ്പിച്ച ഗാനമേള, തുടങ്ങിയ കലാപരിപാടികൾ അരങ്ങേറി. പ്രോഗ്രാം കോഡിനേറ്റർ ഷഹന ഷാജു, ക്ലെമൻറ് കെ ജെ, ഗോപി ഞാറ്റുവേറ്റി, ജോൺസൺ കെ റ്റി, പവിത്രൻ കെ കെ, നരേന്ദ്രൻ കൊല്ലാറ, അബ്ദുൽ മജീദ്, ബെന്നി ആലപ്പാട്ട്, മുരളി തയ്യിൽ തുടങ്ങിയവർ നേതൃത്വം നൽകുകയുണ്ടായി.
