ഭിന്നശേഷിക്കാർക്ക് വേണ്ടി മ്യൂസിക് കോമ്പറ്റീഷൻ നടത്തി നാട്ടിക എസ് എൻ ട്രസ്റ്റ് എൻ എസ് എസ് യൂണിറ്റ്

നാട്ടിക: നാട്ടിക എസ് എൻ ട്രസ്റ്റ് എൻ എസ് എസ് യൂണിറ്റ് ദർശന സർവ്വീസ് സൊസൈറ്റി ഓൾ കേരള ഭിന്നശേഷിക്കാർക്ക് വേണ്ടി നടത്തിയ മ്യൂസിക് കോമ്പറ്റീഷൻ വൻ വിജയമായി. മികച്ച ഗാനാലാപനം പരിപാടിയെ വർണ്ണപ്പകിട്ടാക്കി. ഒന്നാം സ്ഥാനം ജോസഫ് അങ്കമാലി, രണ്ടാം സ്ഥാനം ശശി പുതുരുത്തി, മൂന്നാം സ്ഥാനം രണ്ടുപേർക്ക് ലീന പ്രബിൻ, ഉമേഷ് കെ കെ എന്നിവർ കരസ്ഥമാക്കി. ബാക്കി പങ്കെടുത്ത 23 പേർക്കും എസ് എൻ ട്രസ്റ്റ് എൻഎസ്എസ് യൂണിറ്റ് സമ്മാനങ്ങൾ നൽകി. കിടപ്പു രോഗികൾക്കും, പുറത്തിറങ്ങി മത്സരങ്ങളിൽ പങ്കെടുത്തു തങ്ങളുടെ കഴിവുകൾ പുറത്തെടുക്കാൻ കഴിയാത്ത വിഭാഗത്തിനും, ഇത്തരം മത്സരങ്ങൾ വലിയ അനുഗ്രഹമാണെന്ന് എൻ എസ് എസ് പ്രോഗ്രാം ഓഫീസർ ശലഭ ജ്യോതിഷ് അഭിപ്രായപ്പെട്ടു.