വനിതാ കമ്മീഷന്‍ അദാലത്ത് 22 പരാതികള്‍ പരിഹരിച്ചു
തൃശൂര്‍: കേരള വനിതാ കമ്മീഷന്‍ സംഘടിപ്പിച്ച തൃശൂര്‍ ജില്ലാ അദാലത്തില്‍ 22 പരാതികള്‍ പരിഹരിച്ചു. ആകെ പരിഗണനയ്ക്ക് വന്ന 64 പരാതികളില്‍ എട്ട് എണ്ണത്തില്‍ പോലീസ് റിപ്പോര്‍ട്ട് തേടി. ബാക്കി പരാതികള്‍ അടുത്തമാസം നടക്കുന്ന അദാലത്തിലേക്ക് മാറ്റിവച്ചു. കേരള വനിതാ കമ്മീഷന്‍ അംഗം വി.ആര്‍. മഹിളാമണിയുടെ നേതൃത്വത്തില്‍ തൃശ്ശൂര്‍ ജവഹര്‍ ബാലഭവനില്‍ നടന്ന അദാലത്തില്‍ അഭിഭാഷകരായ സജിതാ അജിത്, സുനിത, എ.കെ. വിനോദ്, കൗണ്‍സിലര്‍ മാലാ രമണന്‍ എന്നിവരും പരാതികള്‍ പരിശോധിച്ചു. വനിതാ കമ്മീഷന്റെ കോഴിക്കോട്, എറണാകുളം മേഖലാ ഓഫീസുകള്‍ മുഖേനെയും പരാതി നല്‍കാനാവുമെന്ന് വി.ആര്‍. മഹിളാമണി അറിയിച്ചു.
