പച്ചമലയാളം ജില്ലാതല ഉദ്ഘാടനം നടത്തി
തൃശ്ശൂർ: സാക്ഷരതാമിഷന്‍ പച്ചമലയാളം കോഴ്‌സിന്റെ ജില്ലാതല ഉദ്ഘാടനം ജില്ലാ പഞ്ചായത്ത് പ്രസിഡന്റ് വി.എസ് പ്രിന്‍സ് നിര്‍വ്വഹിച്ചു. ചടങ്ങില്‍ പത്താംതരം തുല്യത മുതിര്‍ന്ന പഠിതാവ് എന്‍.ബി അബ്ദുല്‍ വഹാബിനെ ജില്ലാ പഞ്ചായത്ത് പ്രസിഡന്റ് ആദരിച്ചു. ജില്ല സാക്ഷരതാ മിഷനും വനിതാ ശിശുക്ഷേമ വകുപ്പും സംയുക്തമായി സാക്ഷരത പ്രേരക്മാര്‍ക്കും പഠിതാക്കള്‍ക്കും വിവിധ ക്ലാസുകള്‍ നല്‍കി. സാക്ഷരതാ മിഷന്‍ ജില്ലാ കോഡിനേറ്റര്‍ കൊച്ചു റാണി മാത്യു, വനിത ശിശുക്ഷേമ ഓഫീസര്‍ പി. മീര, ജില്ലാ സാക്ഷരതാ മിഷന്‍ അസിസ്റ്റന്റ് കോഡിനേറ്റര്‍ കെ.എം സുബൈദ, സുജിത്ത് ബി.എസ്, വിന്‍സെന്റ് പി.ഡി, അജിത് കുമാര്‍, സണ്ണി എ.പി, സരിത പി.വി, ധന്യ കെ.എസ്, കെ.ജി തങ്കം, പ്രബിത, ജോഷി ജോസ് തുടങ്ങിയവര്‍ പങ്കെടുത്തു.
