സ്‌കൂള്‍ വിദ്യാര്‍ത്ഥികള്‍ക്കായി ക്വിസ് മത്സരം

തൃശ്ശൂര്‍: മഹാത്മാഗാന്ധിയുടെ 155-ാം ജന്മദിനാഘോഷങ്ങളുടെ ഭാഗമായി തൃശ്ശൂര്‍ ജില്ലയിലെ ഹൈസ്‌കൂള്‍, ഹയര്‍സെക്കണ്ടറി വിദ്യാര്‍ത്ഥികളെ പങ്കെടുപ്പിച്ചുകൊണ്ട് ‘ഗാന്ധിജിയും ഖാദിയും സ്വാതന്ത്ര്യസമരവും’ എന്ന വിഷയത്തില്‍ ഖാദി ഗ്രാമ വ്യവസായ വകുപ്പ് ക്വിസ് മത്സരം സംഘടിപ്പിക്കുന്നു. ഒക്ടോബര്‍ 18 ന് രാവിലെ 10.30 ന് സാഹിത്യ അക്കാദമിയുടെ ചങ്ങമ്പുഴ ഹാളിലാണ് ക്വിസ് മത്സരം നടക്കുന്നത്. 8 മുതല്‍ 12 വരെ ക്ലാസുകളിലെ വിദ്യാര്‍ത്ഥികളെ ഉള്‍പ്പെടുത്തിയാണ് മത്സരം സംഘടിപ്പിക്കുന്നത്. ഒരു സ്‌കൂളില്‍ നിന്ന് 2 കുട്ടികള്‍ക്ക് മത്സരത്തില്‍ പങ്കെടുക്കാം. രാവിലെ 9.30 ന് രജിസ്‌ട്രേഷന്‍ ആരംഭിക്കും. ക്വിസ് മത്സരത്തില്‍ വിജയിക്കുന്ന ആദ്യ രണ്ട് സ്ഥാനക്കാര്‍ക്ക് ക്യാഷ് അവാര്‍ഡും മൊമെന്റോയും നല്‍കും. സംസ്ഥാനതലത്തില്‍ സംഘടിപ്പിക്കുന്ന ക്വിസ് മത്സരത്തില്‍ പങ്കെടുക്കുന്നതിനുള്ള യോഗ്യതയും ലഭിക്കും. പങ്കെടുക്കുന്ന വിദ്യാര്‍ത്ഥികളുടെ പേരുകള്‍ [email protected] എന്ന ഇ മെയില്‍ വഴിയോ ഓഫീസില്‍ നേരിട്ടോ ഒക്ടോബര്‍ 15 ന് വൈകീട്ട് 5 മണിയ്ക്കകം രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്കായി ഫോണ്‍: 0487 2338699.