ഉമ്മൻചാണ്ടി ജനകീയ സംഗമം മുക്കാട്ടുകരയിൽ നടന്നു

മുക്കാട്ടുകര: മുൻ മുഖ്യമന്ത്രി ലീഡർ കെ.കരുണാകരൻ്റെ സ്മരണാർത്ഥം രൂപംകൊണ്ട കരുണം കൂട്ടായ്മയുടെ നേതൃത്വത്തിൽ നടത്തിയ ജന ഹൃദയങ്ങളിൽ ഉമ്മൻചാണ്ടി ജനകീയ സംഗമം മുക്കാട്ടുകരയിൽ പ്രമുഖ ചലച്ചിത്ര നിരൂപകനും, ദേശീയ ചലച്ചിത്ര അവാർഡ് ജേതാവുമായ ഡോ.അരവിന്ദൻ വല്ലച്ചിറ ഉദ്ഘാടനം ചെയ്തു.

ജന ഹൃദയങ്ങളിൽ ഉമ്മൻചാണ്ടി എന്ന വിഷയത്തെ ആസ്പദമാക്കി സ്കൂൾതലത്തിൽ നടത്തിയ ഓൺലൈൻ പ്രസംഗ മത്സരത്തിലെ വിജയികൾക്കുള്ള അവാർഡ് സമർപ്പണവും, മികച്ച കർഷകനുള്ള കർഷകോത്തമ പുരസ്കാര വിതരണവും നടന്നു.

കരുണം കൂട്ടായ്മ ചെയർമാൻ ജെൻസൻ ജോസ് കാക്കശ്ശേരി അദ്ധ്യക്ഷത വഹിച്ച ചടങ്ങിൽ ഇൻകാസ് ഒഐസിസി തൃശൂർ ജില്ല ഗ്ലോബൽ ഏകോപന സമിതി ചെയർമാൻ എൻ.പി.രാമചന്ദ്രൻ, വ്യവസായ പ്രമുഖനും സാമൂഹിക – സാംസ്കാരിക ജീവകാരുണ്യ പ്രവർത്തകനുമായ ജോൺ ജോസഫ് പാറക്കൽ, വി.എല്‍ വർഗീസ്, ജിജോ ജോർജ്ജ്, പ്രോഗ്രാം കൺവീനർ ശശി നെട്ടിശ്ശേരി, നിധിൻ ജോസ്, സെസ്സി ജോൺ, വി.എൽ.വർഗ്ഗീസ്, പി.എ.ജോസഫ്, അന്നം ജെയ്ക്കബ്, കെ.കെ.ജെയ്ക്കോ, കെ.കെ.ആൻ്റോ, ടി.ശ്രീധരൻ, സി.ഡി.റാഫി, കെ.ജെ.ജോബി, ജോൺസൻ പാലക്കൻ, ബിജു ചിറയത്ത്, വിപിൻ നെട്ടിശ്ശേരി, ജോസ് വടക്കൻ, സി.പി.ബേബി, വിൽസൻ എടക്കളത്തൂർ, കെ.എ.പോൾസൺ തുടങ്ങിയവർ പ്രസംഗിച്ചു.