കൊടുങ്ങല്ലൂര്‍ ഉപജില്ല സ്‌കൂള്‍ കലോത്സവം മതിലകത്ത് നടക്കും
മതിലകം: നവംബര്‍ 12 മുതല്‍ 16 വരെ മതിലകത്തെ സെന്റ് ജോസഫ്‌സ് എച്ച് എസ് എസ്, ഒ എല്‍ എഫ് ജി എച്ച് എസ് സെന്റ് മേരീസ് എല്‍ പി എസ് എന്നിവിടങ്ങളിലായാണ് കലോത്സവം നടക്കുക. കലോത്സവ നടത്തിപ്പിനായി മതിലകം ഗ്രാമപഞ്ചായത്ത് പ്രസിഡണ്ട് സീനത്ത് ബഷീര്‍ ചെയര്‍പേഴ്‌സനായും മതിലകം സെന്റ് ജോസഫ്‌സ് ഹൈസ്‌കൂള്‍ ഹെഡ്മാസ്റ്റര്‍ വി കെ മുജീബ് റഹ്‌മാന്‍ ജനറല്‍ കണ്‍വീനറും, ഉപജില്ല വിദ്യാഭ്യാസ ഓഫീസര്‍ പി മൊയ്തീന്‍കുട്ടി ട്രഷററും ആയി വിപുലമായ സംഘാടക സമിതി രൂപീകരിച്ചു. സംഘാടകസമിതി രൂപീകരണയോഗം മതിലകം ഗ്രാമപഞ്ചായത്ത് പ്രസിഡണ്ട് സീനത്ത് ബഷീര്‍ ഉദ്ഘാടനം ചെയ്തു. വൈസ് പ്രസിഡണ്ട് ടി എസ് രാജു അധ്യക്ഷത വഹിച്ചു.
