ഐടിഐയില്‍ സ്‌പെക്ട്രം ജോബ് ഫെയര്‍
തൃശ്ശൂര്‍: കേരള സര്‍ക്കാര്‍ തൊഴിലും നൈപുണ്യവും മന്ത്രാലയത്തിന്റെ ആഭിമുഖ്യത്തില്‍ ഐടിഐ പാസ്സായവര്‍ക്ക് തൊഴില്‍ ലഭിക്കുന്നതിനായി ജില്ലാ അടിസ്ഥാനത്തില്‍ സ്‌പെക്ട്രം ജോബ് ഫെയര്‍ നടത്തുന്നു. ജോബ്‌ഫെയറിന്റെ ഭാഗമായി തൃശ്ശൂര്‍ ജില്ലയിലെ സര്‍ക്കാര്‍/ എസ് സി ഡി ഡി/ സ്വകാര്യ ഐടിഐകളില്‍ നിന്നും പാസ്സായ തൊഴില്‍രഹിതരായ ഉദ്യോഗാര്‍ത്ഥികള്‍ക്കായി കേരളത്തിന്റെ അകത്തും പുറത്തുമുളള പ്രമുഖ കമ്പനികളെ പങ്കെടുപ്പിച്ച് കൊണ്ട് തൃശ്ശൂര്‍ ജില്ലാ ജോബ് ഫെയര്‍ 2024 ന്റെ ഉദ്ഘാടനം ചാലക്കുടി ഐടിഐയില്‍ നവംബര്‍ 1 ന് നടക്കും. സ്‌പെക്ട്രം ജോബ് ഫെയര്‍ 2024 ല്‍ ഏകദേശം 100 കമ്പനികളും സര്‍ക്കാര്‍/ എസ് സി ഡി ഡി/ സ്വകാര്യ ഐടിഐകളില്‍ നിന്നായി 2000 ഉദ്യോഗാര്‍ത്ഥികളും പങ്കെടുക്കും.
