നാട്ടിക ബീച്ച് പള്ളം ബ്രദേഴ്സ് ക്ലബ്ബിൻ്റെ മുപ്പത്തിനാലാം വാർഷികവും, ദീപാവലി ആഘോഷവും നടത്തി

നാട്ടിക ബീച്ച് പള്ളം ബ്രദേഴ്സ് ക്ലബ്ബിൻ്റെ മുപ്പത്തിനാലാം വാർഷികവും, ദീപാവലി, വാവുമഹോത്സവവും പള്ളം ബീച്ചിൽ ആഘോഷിച്ചു. സഹപ്രവർത്തകൻ അമീറലി ഹൃദയ സംബന്ധമായി ഗുരുതരമായ അസുഖത്താൽ വെൻറിലേറ്ററിൽ കിടക്കുന്നതിനാൽ അദ്ദേഹത്തിൻ്റെ ചികിത്സയ്ക്കായി വാർഷിക പരിപാടിയിൽ നേരത്തേ തീരുമാനിച്ച, ഗാനമേള, ബീച്ച് റെയ്സിങ്ങ്, ഘോഷയാത്ര എന്നിവ ഒഴിവാക്കി ആ തുക ചികിത്സാ സഹായമായി നൽകുകയും ചെയ്തു. വാർഷികത്തിൻ്റെ ഭാഗമായി നാട്ടിക ബീച്ച് മേഖലയിലെ കലാകാരന്മാരുടെയും, കലാകാരികളുടെയും പരിപാടികൾ വേദിയിൽ അരങ്ങേറി. ഉദ്ഘാടന സമ്മേളനത്തിന് പള്ളം ബ്രദേഴ്സ് ക്ലബ്ബ് പ്രസിഡണ്ട് കെ എസ് രഞ്ജിത്ത് അദ്ധ്യക്ഷത വഹിച്ചു, ക്ലബ്ബ് രക്ഷാധികാരി എ കെ ചന്ദ്രശേഖരൻ ഉദ്ഘാടനം നിർവ്വഹിച്ച ചടങ്ങിൽ ജനറൽ സെക്രട്ടറി സെന്തിൽകുമാർ പി.വി സ്വാഗതവും, ട്രഷറർ സത്യരാജ്.എ.വി നന്ദിയും പറഞ്ഞു. പള്ളം ബ്രദേഴ്സ് അംഗം മിഥുൻ്റെ സ്മരണാർത്ഥം നടത്തിയ പള്ളം ബീച്ച് ഫുട്ബോൾ മേളയിലെ വിജയികൾക്ക് ഉദ്ഘാടന വേദിയിൽ സമ്മാന ദാനം നൽകി. അണ്ടർ 8th ജില്ലാ സ്കൂൾ ചെസ്സ് ചാമ്പ്യൻഷിപ്പിൽ ആറാം സ്ഥാനം നേടിയ ഇഷൻ ഇന്ദ്രജിത്തിനെ വേദിയിൽ ആദരിച്ചു.