ഉപതിരഞ്ഞെടുപ്പ്: ഡ്യൂട്ടിയിലുള്ളവര്‍ക്ക് വോട്ടര്‍ ഫെസിലിറ്റേഷന്‍ സെന്ററില്‍ തപാല്‍ വോട്ട്‌ചെയ്യാം
വയനാട് ലോകസഭ മണ്ഡലം, പാലക്കാട്, ചേലക്കര നിയമസഭാമണ്ഡലങ്ങള്‍ എന്നിവിടങ്ങളിലെ ഉപതിരഞ്ഞെടുപ്പ് ദിവസം ഡ്യൂട്ടിയിലുള്ള ഉദ്യോഗസ്ഥര്‍ക്ക് തപാല്‍ വോട്ട് ചെയ്യുന്നതിനായി നവംബര്‍ 10, 11 തീയതികളില്‍ കളക്ടറേറ്റ് കോണ്‍ഫറന്‍സ് ഹാള്‍ അനക്‌സിലും നവംബര്‍ 12 ന് ചെറുതുരുത്തി ഗവ. ഹയര്‍ സെക്കണ്ടറി സ്‌കൂളിലും ഓഫീസ് പ്രവര്‍ത്തി സമയത്ത് വോട്ടര്‍ ഫെസിലിറ്റേഷന്‍ സെന്റര്‍ സജ്ജീകരിക്കും. പോസ്റ്റല്‍ ബാലറ്റിനായി അപേക്ഷിച്ച ഉദ്യോഗസ്ഥര്‍ക്ക് സേവനം പ്രയോജനപ്പെടുത്താവുന്നതാണെന്ന് ഇലക്ഷന്‍ ഡെപ്യൂട്ടി കളക്ടര്‍ അറിയിച്ചു.
