കരുത്ത് കാട്ടി പാകിസ്ഥാൻ; ശ്രീലങ്കക്കെതിരെ ആറ് വിക്കറ്റിന്റെ വിജയം

ഹൈദരാബാദ്: 2023 ലോകകപ്പിൽ ശ്രീലങ്ക ഉയര്‍ത്തിയ 345 റണ്‍സെന്ന കൂറ്റൻ സ്കോർ 48.2 ഓവറില്‍ നാല് വിക്കറ്റ് മാത്രം നഷ്ടത്തില്‍ മറികടന്ന് പാകിസ്ഥാൻ തങ്ങളുടെ തുടര്‍ച്ചയായ രണ്ടാം മത്സരത്തിലും ജയം സ്വന്തമാക്കി. ശ്രീലങ്കയുടെ തുടര്‍ച്ചയായ രണ്ടാം തോല്‍വിയാണിത്. സെഞ്ചുറി നേടിയ ഓപ്പണര്‍ അബ്ദുള്ള ഷഫീഖിന്റെയും മുഹമ്മദ് റിസ്വാന്റെയും പ്രകടനമാണ് പാക് വിജയത്തില്‍ നിര്‍ണായകമായത്. നേരിട്ട 121 പന്തില്‍ മൂന്ന് സിക്‌സും എട്ട്‌ ഫോറുമടക്കം 131 റണ്‍സോടെ പുറത്താകാതെ നിന്ന റിസ്വാനാണ് പാക് നിരയിലെ ടോപ് സ്‌കോറര്‍.