ഏകദിന ലോകകപ്പ്; പാകിസ്താനെ തകർത്തെറിഞ്ഞ് ഇന്ത്യ

അഹമ്മദാബാദ്: ലോകകപ്പ് മത്സരത്തില്‍ പാകിസ്താനെതിരെ 7 വിക്കറ്റ് ജയവുമായി ഇന്ത്യ. പാകിസ്താന്‍ ഉയര്‍ത്തിയ 192 റണ്‍സ് വിജയലക്ഷ്യം വെറും 30.3 ഓവറുകളിൽ മറികടന്നു. ക്യാപ്റ്റന്‍ രോഹിത് ശര്‍മയുടെ വെടിക്കെട്ട് ബാറ്റിങ്ങാണ് ഇന്ത്യക്ക് അനായാസജയമൊരുക്കിയത്. 63 പന്തുകള്‍ നേരിട്ട രോഹിത് ആറ് വീതം സിക്‌സും ഫോറുമടക്കം 86 റണ്‍സെടുത്തു. 62 പന്തിൽ 53 റൺസ് നേടി ശ്രേയസ് അയ്യരും, 29 പന്തിൽ 19 റൺസ് നേടി രാഹുലും പുറത്താകാതെ നിന്നു.