ചാമ്പ്യന്മാരെ വീഴ്ത്തി അഫ്ഗാനിസ്താൻ; ഇംഗ്ലണ്ടിനെതിരെ 69 റൺസിന്റെ വിജയം
ന്യൂഡല്‍ഹി: ഏകദിന ലോകകപ്പിൽ അട്ടിമറി ജയവുമായി അഫ്ഗാനിസ്താൻ. നിലവിലെ ചാമ്പ്യന്മാരായ ഇംഗ്ലണ്ടിനെ 69 റൺസിന് തോൽപ്പിച്ചു. ടോസ് നഷ്ടപ്പെട്ട് ബാറ്റിംഗിനെത്തിയ അഫ്ഗാന്‍ 49.5 ഓവറില്‍ 284ന് എല്ലാവരും പുറത്തായി. മറുപടി ബാറ്റിംഗില്‍ ഇംഗ്ലണ്ട് 40.3 ഓവറില്‍ 215 റണ്‍സിന് എല്ലാവരും പുറത്തായി. മൂന്ന് വിക്കറ്റ് വീതം നേടിയ റാഷിദ് ഖാന്‍, മുബീജ് ഉര്‍ റഹ്‌മാന്‍ എന്നിവരാണ് ഇംഗ്ലണ്ടിനെ തകര്‍ത്തത്. ആദ്യ മത്സരത്തില്‍ ന്യൂസീലന്‍ഡിനോട് തോറ്റ ഇംഗ്ലണ്ടിന് രണ്ടാം തോല്‍വി കനത്ത തിരിച്ചടിയായി.
