വീണ്ടും അട്ടിമറി; ദക്ഷിണാഫ്രിക്കയെ പരാജയപ്പെടുത്തി ഓറഞ്ച് പട

ധരംശാല: ഏകദിന ലോകകപ്പിൽ വീണ്ടും അട്ടിമറി. കരുത്തരായ ദക്ഷിണാഫ്രിക്കൻ ടീമിനെ 38 റണ്‍സിന് തകർത്താണ് ഓറഞ്ച് പട വിജയം നേടിയത്. മഴമൂലം 43 ഓവര്‍ വീതമാക്കി കുറച്ച മത്സരത്തില്‍ ആദ്യം ബാറ്റ് ചെയ്ത നെതര്‍ലന്‍ഡ്സ് 43 ഓവറില്‍ എട്ട് വിക്കറ്റ് നഷ്ടത്തില്‍ 245 റണ്‍സ് നേടിയപ്പോൾ ദക്ഷിണാഫ്രിക്ക 42.5 ഓവറില്‍ 207 റണ്‍സിന് ഓള്‍ ഔട്ടായി. 43 റണ്‍സെടുത്ത ഡേവിഡ് മില്ലറാണ് ദക്ഷിണാഫ്രിക്കയുടെ ടോപ് സ്കോറര്‍. ലോകകപ്പില്‍ ആദ്യ രണ്ട് കളികളും ജയിച്ച ദക്ഷിണാഫ്രിക്കയുടെ ആദ്യ തോല്‍വിയാണിത്.