നടി രഞ്ജുഷ മേനോനെ തൂങ്ങി മരിച്ച നിലയിൽ കണ്ടെത്തി

സിനിമ-സീരിയൽ നടി രഞ്ജുഷ മേനോനെ ഫ്ളാറ്റിൽ മരിച്ച നിലയിൽ കണ്ടെത്തി. തിരുവനന്തപുരം ശ്രീകാര്യത്തെ ഫ്ളാറ്റിൽ തൂങ്ങിമരിച്ച നിലയിലാണ് കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം. മരണ കാരണം സംബന്ധിച്ച് പൊലീസ് അന്വേഷണം ആരംഭിച്ചു. 35 വയസായിരുന്ന പരേത ഭർത്താവുമൊത്ത് ഫ്ളാറ്റിൽ താമസിച്ച് വരികയായിരുന്നു. രാവിലെ 11 മണിയോടെയാണ് മരണ വിവരം ശ്രീകാര്യം പൊലീസ് സ്റ്റേഷനിൽ റിപ്പോർട്ട് ചെയ്തത്. രഞ്ജുഷ മേനോൻ കലാരംഗത്ത് സജീവ സാന്നിദ്ധ്യമായിരുന്നു. സിറ്റി ഓഫ് ഗോഡ്, മേരിക്കുണ്ടൊരു കുഞ്ഞാട്‌, ബോംബെ മാർച്ച്, കാര്യസ്ഥൻ, വൺവേ ടിക്കറ്റ്, അത്ഭുത ദ്വീപ് തുടങ്ങിയ സിനിമകളിൽ അഭിനയിച്ചിട്ടുണ്ട്. സീരിയലിൽ ലൈൻ പ്രൊഡ്യൂസറായും രഞ്ജുഷ പ്രവർത്തിച്ചിരുന്നു എന്ന് റിപ്പോർട്ടുകൾ സൂചിപ്പിക്കുന്നു. കൊച്ചി സ്വദേശിനി ആയ രഞ്ജുഷ മേനോൻ ടെലിവിഷനിൽ അവതാരകയായിട്ടാണ് കലാരംഗത്തേക്ക് കടന്നുവരുന്നത്. സ്ത്രീ എന്ന സീരിയലിലൂടെ മിനിസ്‌ക്രീനിലേക്ക് എത്തുകയും ഇരുപതോളം സീരിയലുകളിൽ അഭിനയിക്കുകയും ചെയ്തു .