പീച്ചി ഡാം 23 ന് തുറക്കും
പീച്ചി: പീച്ചി ഡാമിൻ്റെ വൃഷ്ടിപ്രദേശങ്ങളില് വരുംദിവസങ്ങളില് ശക്തമായ മഴയ്ക്ക് സാധ്യതയുണ്ടെന്ന ഐ.എം.ഡി. മുന്നറിയിപ്പിൻ്റെ പശ്ചാത്തലത്തില് ഡാമിലെ ജലനിരപ്പ് നിയന്ത്രിക്കുന്നതിനായി ഒക്ടോബര് 23 രാവിലെ ഒമ്പത് മുതല് വെള്ളം തുറന്നുവിടുന്നതാണെന്ന് പീച്ചി ഹെഡ് വര്ക്ക്സ് സബ് ഡിവിഷന് അസിസ്റ്റൻ്റ് എക്സിക്യൂട്ടീവ് എഞ്ചിനീയര് അറിയിച്ചു. കെ.എസ്.ഇ.ബി. ചെറുകിട വൈദ്യുതി ഉത്പാദനനിലയം വഴിയും റിവര് സ്ലൂയിസ് വഴിയുമാണ് വെള്ളം തുറന്നു വിടുന്നത്. ഇതിനാല് മണലി, കരുവന്നൂര് പുഴകളില് നിലവിലെ ജലനിരപ്പില് നിന്നും പരമാവധി 20 സെൻ്റിമീറ്റര് വരെ ഉയരാന് സാധ്യതയുള്ളതിനാല് പുഴകളുടെ തീരത്ത് താമസിക്കുന്നവരും പുഴയോരത്ത് ജോലിയെടുക്കുന്നവരും കര്ശ്ശനമായ ജാഗ്രത പുലര്ത്തണമെന്നും മുന്നറിയിപ്പ് നല്കുന്നു.
