സംസ്ഥാന തല കരാത്തെ വിജയികളെ അനുമോദിച്ചു

തൃപ്രയാർ: കരാത്തെ ദൊ ഗോജുക്കാൻ & കസോക്കു കായ് ഇന്ത്യ സംസ്ഥാന തല കരാത്തെ ചാമ്പ്യൻഷിപ്പിൽ വിജയം നേടിയ വിദ്യാർത്ഥികളെ അനുമോദിച്ചു. നവംബർ10,11 തീയതികളിൽ കോഴിക്കോട് വെച്ച് നടന്ന കരാത്തെ കേരള അസോസിയേഷൻ്റെ സംസ്ഥാന തല ചാമ്പ്യൻഷിപ്പിൽ വ്യക്തിഗത ഇനങ്ങളിലും ടീം ഇനങ്ങളിലുമായി 11 സ്വർണം,12 വെള്ളി, 11 വെങ്കലവുമടക്കം 40ഓളം മെഡലുകളാണ് ഗോജുക്കാൻ അസോസിയേഷൻ വിദ്യാർത്ഥികൾ നേടിയത്. ഇതിൽ 12 പേർ ഡെറാഡൂണിൽ വെച്ച് നടക്കുന്ന നാഷണൽ കരാത്തെ ചാമ്പ്യൻഷിപ്പിലേക്കുള്ള കേരള ടീമിലേക്ക് ഇടം നേടി.കരാത്തെ ദൊ ഗോജുക്കാൻ അസോസിയേഷൻ മുഖ്യ പരിശീലകനും ഏഷ്യൻ കരാത്തെ റഫറിയുമായ മധു വിശ്വനാഥ്, മറ്റു ഗോജുക്കാൻ ഇന്ത്യ ഭാരവാഹികൾ, സീനിയർ ഇൻസ്ട്രക്ടേഴ്സ്, രക്ഷിതാക്കൾ എന്നിവർ ചടങ്ങിൽ സംബന്ധിച്ചു.