മുൻ കുവൈറ്റ് അമീറിന്റെ നിര്യാണത്തിൽ ഇന്ത്യൻ വിദേശകാര്യമന്ത്രി ഡോ .എസ് ജയശങ്കർ അനുശോചനം രേഖപ്പെടുത്തി
കുവൈറ്റ് അമീർ ആയിരുന്ന ഷെയ്ഖ് നവാഫ് അൽ അഹമ്മദ് അൽ ജാബർ അൽ സബാഹിന്റെ നിര്യാണത്തിൽ അനുശോചനം രേഖപ്പെടുത്താനും ആദരാഞ്ജലികൾ അർപ്പിക്കാനുമായി വിദേശകാര്യമന്ത്രി ഡോ .എസ് ജയശങ്കർ ഡൽഹിയിലെ കുവൈറ്റ് എംബസി സന്ദർശിച്ചു. ഇൻഡോ കുവൈറ്റ് ഉഭയകക്ഷി ബന്ധം ശക്തിപ്പെടുത്തുന്നതിന് അദ്ദേഹം നൽകിയ ശ്രദ്ധേയമായ സംഭാവനകളെ ഇന്ത്യൻ സർക്കാരും ജനങ്ങളും എപ്പോഴും സ്മരിക്കുമെന്ന് തന്റെ അനുശോചനകുറിപ്പിൽ ഡോ .എസ് ജയശങ്കർ രേഖപ്പെടുത്തി.
