കേരള റൈഡേഴ്‌സ് – ഷാർജ ട്രൈ സർക്കിൾ – റിപ്പബ്ലിക്ക്ഡേ റിലേ റൺ ചലഞ്ജ് വിജയകരമായി സമാപിച്ചു
ഇന്ത്യയുടെ 75-ആം റിപ്പബ്ലിക്ക് ദിനാഘോഷങ്ങളുടെ ഭാഗമായി കേരള റൈഡേഴ്‌സ് ന്റെ ഭാഗമായ ഷാർജ ട്രൈ സർക്കിൾ നടത്തിവന്ന റിപ്പബ്ലിക്ക്ഡേ റിലേ റൺ ചലഞ്ജ് വിജയകരമായി സമാപിച്ചു. നീണ്ട 26 മണിക്കൂറുകൊണ്ട് ഓടി തീർത്തത് 226 കിലോമീറ്റർ ആയിരുന്നു. ട്രൈസർക്കിൾ സ്റ്റാർസിൽ നിന്നും 6 കുട്ടികളും ട്രൈസർക്കിൾ ക്യൂന്സിന്റെ ഭാഗമായി 6 വനിതകളും അടക്കം 50 ഓളം അത് ലറ്റ്സ് RRR ചല്ലെഞ്ചിന്റെ ഭാഗമായി. റിലേ റണ്ണിൽ ബാറ്റൺ കൈമാറുന്നപോലെ സ്ട്രാവ റെക്കോർഡിങ്ങിനായി വാച്ച് കൈമാറിയാണ് ചലഞ്ചു നടത്തിയത്. നിഹാർ കൃഷ്ണ, നിരഞ്ജൻ കലേഷ്, ആദം, ഹൂദ് ഷംസാദ്‌, ഗോഡ്‌വിൻ, ഗലിൻ ഷിജൊ, ബിബിത ഷിജൊ, നിമിഷ സബിൻ, രസ്ല ഷംഷാദ്, രശ്മി നവനീത്, ദിലീപ്കുമാർ, ലാലു കോശി, ഫിറോസ് ബാബു, ഷിജൊ വര്ഗീസ്, സബീൻ വേണു, ഷംസാദ്‌, യൂനിസ് റാവുത്തർ, നിഗേഷ് കോട്ടൂർ, കലേഷ് കുമാർ, ഗിരീഷ്, ഷെഫീഖുദീൻ പരപ്പിൽ, അലക്സ് അങ്കമാലി, പ്രദീപ് നായർ, ബിനോ, നവനീത് കൃഷ്ണൻ എന്നിവർ ചലഞ്ചിൽ മികച്ച പ്രകടനം കാഴ്ചവെച്ചു . വിജയികളായവർക്ക് കേരള റൈഡേഴ്‌സ് അഡ്മിന്റെ ഭാഗമായ ഫിറോസ് ബാബു സമ്മാനങ്ങൾ നൽകി ആദരിച്ചു. വിജയികളായവരെ ഷാർജ ട്രൈ സർക്കിൾ ഭാരവാഹികളായ ഷിജൊ, ദിലീപ് കുമാർ, ഷംസാദ്‌, നവനീത് കൃഷ്ണൻ എന്നിവർ അനുമോദിച്ചു.
