അഡ്വ ഹാഷിക് തൈക്കണ്ടിക്ക് ഒ.ഐ.സി.സി കുവൈറ്റ് കണ്ണൂർ ജില്ലാ കമ്മിറ്റി സ്വീകരണം നൽകി.
കുവൈറ്റ് : ഹ്രസ്വ സന്ദർശനത്തിനായി കുവൈറ്റിൽ എത്തിച്ചേർന്ന അഡ്വ ഹാഷിക് തൈക്കണ്ടിക്ക് (ഒ.ഐ.സി.സി ഗ്ലോബൽ ജനറൽ സെക്രട്ടറി – മിഡിൽ ഈസ്റ്റ് കൺവീനർ) ഒ.ഐ.സി.സി കുവൈറ്റ് കണ്ണൂർ ജില്ലാ കമ്മിറ്റിയുടെ നേതൃത്വത്തിൽ സ്വീകരണം നൽകി. ഒ.ഐ.സി.സി കണ്ണൂർ ജില്ലാ പ്രസിഡന്റ് സിദ്ദിഖ് അപ്പക്കൻ അദ്ധ്യക്ഷത വഹിച്ച ചടങ്ങിൽ, വൈസ് പ്രസിഡന്റ് ലിപിൻ മുഴക്കുന്ന്, എക്സിക്യൂട്ടീവ് അംഗങ്ങളായ ജയേഷ് ചന്ദ്രോത്ത്, രജിത് തൊടീക്കളം, സുമേഷ് പി, സജിൽ പി കെ, മഹമൂദ് പെരുമ്പ എന്നിവർ സന്നിഹിതരായിരുന്നു. ജില്ലാ ജനറൽ സെക്രെട്ടറി ഷോബിൻ സണ്ണി സ്വാഗതം പറഞ്ഞ ചടങ്ങിൽ, ഷരൺ കോമത്ത് നന്ദി പറഞ്ഞു.
