കുവൈറ്റ് ദേശീയ ദിനാഘോഷം ; ബീച്ച് ക്ലീനിങ് സംഘടിപ്പിച്ച് കുവൈത്ത് കേരള മുസ്ലിംഅസോസിയേഷൻ

കുവൈറ്റ് : കുവൈറ്റിന്റെ 63-ആം ദേശീയദിനത്തോടനുബന്ധിച്ചു കുവൈറ്റ് കേരള മുസ്ലിംഅസോസിയേഷൻ സംഘടിപ്പിച്ച കുവൈത്ത് ബീച്ച് ക്ലീനിങ്ങിലും ആഘോഷ പരിപാടിയിലും നൂറുകണക്കിന് പ്രവർത്തകരും കുടുംബങ്ങളും പങ്കെടുത്തു. കുവൈറ്റ് ദേശീയ പതാകയേന്തിയ കുട്ടികളടക്കമുള്ളവരെ കുവൈറ്റി പൗരന്മാർ നിറഞ കയ്യടിയോടെ സ്വീകരിച്ചു. ഇന്ത്യൻ സ്ഥാനപതി ഡോ.ആദർശ് സ്വൈക ആദർശ് സ്വൈക പരിപാടിയുടെ ഉദ്ഘാടനം നിർവഹിച്ചു. കേന്ദ്ര വർക്കിംഗ് പ്രസിഡന്റ് ബി എം ഇക്ബാൽ അധ്യക്ഷത വഹിച്ച ചടങ്ങിൽ ഹരിത് ശേലാത് ( എംബസി സെക്കന്റ് സെക്രട്ടറി ), കെ കെ എം എ വൈസ് ചെയർമാൻ എ പി അബ്ദുൽ സലാം എന്നിവർ ആശംസകൾ നേർന്നു സംസാരിച്ചു.

കെ എം എ കേന്ദ്ര ജനറൽ സെക്രട്ടറി കെ സി റഫീഖ് സ്വാഗതവും പി എം ജാഫർ നന്ദിയും പറഞ്ഞു. കേന്ദ്ര ഭാരവാഹികൾ, സോൺ ബ്രാഞ്ച് യൂണിറ്റ് നേതാക്കൾ തുടങ്ങിയവർ ചടങ്ങിൽ പങ്കെടുത്തു. റിയാസ് അബ്ബാസിയ, ലത്തീഫ് എടയൂർ, ഷാഫി ഷാജഹാൻ, എ ച് എ ഗഫൂർ, പി എം ഹാരിസ്, സജ്ബീർ കാപ്പാട്, സി എം അഷ്റഫ്, നൗഷാദ് കർണാടക, സുബൈർ മംഗഫ്, ഷഫീഖ് ജലീബ്, നയീം ഖാദിരി, ഖാലിദ് ബേക്കൽ, ഷംസീർ നാസ്സർ എന്നീ വിവിധ ടീം ലീഡർമാർ നേതൃത്വം നൽകി.