പ്രവാസി വെൽഫെയർ പത്താം വാർഷികം ജനപങ്കാളിത്തം കൊണ്ട് ശ്രദ്ധേയമായി

കുവൈറ്റ് : പ്രവാസി വെൽഫെയർ കുവൈത്ത് സംഘടിപ്പിച്ച പത്താം വാർഷിക സമ്മേളനം ശ്രദ്ധേയമായി . അബ്ബാസിയ ഇന്ത്യൻ സെൻട്രൽ സ്‌കൂളിൽ തിങ്ങി നിറഞ്ഞ സദസ്സിനെ സാക്ഷിയാക്കിയാണ് വർണ്ണാഭമായ വാർഷിക പരിപാടികൾ അരങ്ങേറിയത്.
സ്നേഹവും സൗഹൃദവും ആഘോഷവും ഒത്തു ചേരുമ്പോൾ തന്നെ രാഷ്ട്രീയമായി ഉല്ബുദ്ധരാകേണ്ടത് കാലഘട്ടത്തിന്റെ ആവശ്യമാണെന്ന് സമ്മേളനത്തിൽ മുഖ്യപ്രഭാഷണം നിർവ്വഹിച്ച വെൽഫെയർ പാർട്ടി സംസ്ഥാന സെക്രെട്ടറി ഷംസീർ ഇബ്രാഹിം പറഞ്ഞു. ആധുനിക കേരളത്തെ നിർമ്മിച്ചത് ഇടതുപക്ഷവും വലതുപക്ഷവുമല്ല മറിച്ച് പ്രവാസി പക്ഷമാണെന്ന് അദ്ദേഹം കൂട്ടിച്ചേർത്തു. പ്രവാസി വെൽഫെയർ കുവൈത്ത് പ്രസിഡന്റ് ലായിക് അഹമ്മദ് അധ്യക്ഷത വഹിച്ചു. ഫർവാനിയ ഗവർണറേറ്റ് സെക്യൂരിറ്റി അസിസ്റ്റൻറ് ജനറൽ മാനേജർ സലാഹ് സഅദ് അദ്ദസ് സമ്മേളനത്തിൽ സംസാരിച്ചു. ജനറൽ സെക്രെട്ടറി രാജേഷ് മാത്യു സ്വാഗതവും പ്രോഗ്രാം ജനറൽ കൺവീനർ സഫ് വാൻ നന്ദിയും പറഞ്ഞു.

ജനപ്രിയ ടെലിവിഷൻ പരമ്പര ‘മറിമായം’ കലാകാരന്മാരുടെ പരിപാടി ആയിരുന്നു കലാപരിപാടികളിലെ മുഖ്യ ആകർഷണം. എഴുപത് കുട്ടികൾ അണിനിരന്ന ഡി.കെ ഡാൻസ് ഗ്രൂപ്പ് കുവൈത്ത് ദേശീയ ദിന പശ്ചാലത്തിൽ ഒരുക്കിയ സംഘ നൃത്തം ആകർഷകമായി. പ്രവാസി വെൽഫെയർ തീം സോങ് പ്രകാശനം ഷംസീർ ഇബ്രാഹിം നിർവ്വഹിച്ചു. ഹോട്ടൽ കഫ്തീരിയ മേഖലകളിൽ 35 വര്ഷം പൂർത്തിയാക്കിയ ജീവനക്കാരെ പ്രവാസി വെൽഫെയർ കുവൈത്ത് ആദരിച്ചു. എം.പി അബ്ദുറഹ്മാൻ മാട്ടൂൽ , ടി.സി അബ്ദുറഹ്മാൻ മാഹി , അബ്ദുൽ റഹ്‌മാൻ കുട്ടി മതിലകം , ഹാരിസ് ഫാരിസ് തലശ്ശേരി , എ .കെ സൈതലവി പെരിന്തൽമണ്ണ , ടി.കെ ഇബ്രാഹിം പേരാമ്പ്ര , പി.സി മൊയ്‌തു വടകര , പി മുഹമ്മദ് തെയ്യാല എന്നിവർക്കുള്ള ആദരവ്‌ മാംഗോ ഹൈപ്പർ എം.ഡി റഫീഖ് അഹമ്മദ് , പ്രവാസി വെൽഫെയർ നേതാക്കളായ ഗിരീഷ് വയനാട് , അഷ്കർ മാളിയേക്കൽ , ജവാദ് അമീർ,ഖലീലു റഹ്മാൻ, അൻവർ ഷാജി എന്നിവർ നിർവഹിച്ചു.
മാംഗോ ഹൈപ്പർ മാനേജിംഗ് ഡയറക്റ്റർ റഫീഖ് അഹമ്മദ് , അയ്യൂബ് കച്ചേരി ഗ്രാന്റ് ഹൈപ്പർ , ബെൻസൻ/ഫൈസൽ ബോസ്കോ പ്രിന്റിങ് , അഫ്സൽ ഖാൻ മലബാർ ഗോൾഡ് , ഷബീർ മണ്ടോളി ടോം ആൻഡ് ജെറി റെസ്റ്റോറന്റ് , അൻസാരി ഇബ്റാഹിം പ്രിൻസസ് ഹോളിഡേയ്‌സ് , മുസ്തഫ ക്വാളിറ്റി ഇൻറർനാഷനൽ ഫുഡ് സ്റ്റഫ് , കമാൽ വി.ടി.എസ് കാലിക്കറ്റ് ദർബാർ, അനസ് സെഗ്യൂറോ ഷിപ്പിംഗ് എന്നിവർ പങ്കെടുത്തു
‘മറിമായം’ കലാകാരന്മാരായ നിയാസ് ബക്കർ , മണികണ്ഠൻ പട്ടാമ്പി , സ്നേഹ ശ്രീകുമാർ , ഉണ്ണിരാജൻ , സലിം ഹസ്സൻ , മണി ഷൊർണ്ണൂർ , ജയദേവ് എന്നിവർക്ക് ആദവ് യഥാക്രമം കൺവീനർ സഫ്‌വാൻ, കമ്മിറ്റി അംഗങ്ങളായ കെ.എം ജവാദ് , അഷ്‌ഫാഖ്‌ , നസീം , നയീം , നാസർ മടപ്പള്ളി , റഷീദ് ഖാൻ എന്നിവർ നിർവഹിച്ചു. ഡി കെ ഡാൻസ് നുള്ള ഉപഹാരം നിഷാദ് ഇളയതും കൈാറി . മുസ്തഫ , യാസർ , റാഫി കല്ലായി , സഞ്ജന എന്നിവർ ഗാനമാലപിച്ചു. യാസർ കരിങ്കല്ലത്താണി , നമിത എന്നിവർ അവതാരകരായി. പ്രവാസി വെൽഫെയർ സംസ്ഥാന നേതാക്കളായ റസീന മുഹിയിദ്ധീൻ , അൻവർ സഈദ് , റഫീഖ് ബാബു പൊന്മുണ്ടം , ഷൗക്കത്ത് വളാഞ്ചേരി , ആയിഷ പിടിപി ,ഗിരീഷ് വയനാട് , അനിയൻകുഞ്ഞ്, വാഹിദ ഫൈസൽ*, സിറാജ് സ്രാമ്പിക്കൽ, അബ്ദുൽ വാഹിദ് എന്നിവർ നേതൃത്വം നൽകി