യൂത്ത് ഇന്ത്യ കുവൈറ്റ് യൂത്ത് ഇഫ്താർ സംഘടിപ്പിച്ചു

കുവൈറ്റ് : യൂത്ത് ഇന്ത്യ കുവൈറ്റ് യുവാക്കൾക്കായി യൂത്ത് ഇഫ്താർ 2024 സംഘടിപ്പിച്ചു. കേരള ഇസ്ലാമിക് ഗ്രൂപ്പ് പ്രസിഡന്റ് ശരീഫ് പി.ടി. ഉദ്ഘാടനം നിർവഹിച്ചു. ഇഫ്താർ സമ്മേളനത്തിൽ സോളിഡാരിറ്റി യൂത്ത് മൂവ്മെന്റ് കേരള, ജനറൽ സെക്രട്ടറി തൗഫീഖ് മമ്പാട് മുഖ്യപ്രഭാഷണം നടത്തി. യൂത്ത് ഇന്ത്യ പ്രസിഡന്റ് സിജിൽ ഖാൻ അധ്യക്ഷത വഹിച്ചു. യൂത്ത് ഇന്ത്യ എക്സിക്യുട്ടിവ് അംഗം മുഹമ്മദ് ജുമാന്റെ ഖുർആൻ പാരായണത്തോടെ ആരംഭിച്ച പരിപാടിയിൽ ജനറൽ സെക്രട്ടറി ഹസീബ് പി . സ്വാഗതവും വൈസ് പ്രസിഡന്റ് ഉസാമ അബ്ദുറസാഖ് നന്ദിയും രേഖപ്പെടുത്തി. ഗ്രാൻഡ് ഹൈപ്പർ റീജ്യണൽ ഡയറക്ടർ അയ്യൂബ് കേച്ചേരി ആശംസകൾ അർപ്പിച്ചു. യൂത്ത് ഇന്ത്യ എക്സിക്യുട്ടിവ് അംഗങ്ങളായ യാസിർ, മുക്സിത്, അഖീൽ, അഷ്ഫാഖ്, ജവാദ് എന്നിവർ ഏകോപനം നിർവഹിച്ചു. 500-ൽ അധികം പേർ പങ്കെടുത്തു.