മതസൗഹാർദ സദസ്സായി ഒഐസിസി കുവൈറ്റ് ഇഫ്‌താർ സംഗമം
കുവൈറ്റ് : ഒഐസിസി കുവൈറ്റ് നാഷണൽ കമ്മറ്റി സംഘടിപ്പിച്ച ഇഫ്‌താർ വിരുന്ന് മതസൗഹാർദ സദസ്സായി. ഒ.ഐ.സി.സി കുവൈറ്റ് ജനറൽ സെക്രട്ടറി ബി.സ്. പിള്ള അധ്യക്ഷത വഹിച്ചു. വൈസ് പ്രസിഡന്റ് എബി വാരിക്കാട് ഉദ്ഘാടനം നിർവഹിച്ച ചടങ്ങിൽ പ്രമുഖ പ്രഭാഷകനും എഴുത്തുകാരനുമായ അബ്ദുറഹ്മാൻ തങ്ങൾ റമദാൻ സന്ദേശം നൽകി. ഒ.ഐ.സി.സി നാഷണൽ കമ്മറ്റി സെക്രട്ടറിമാരായ നിസ്സാം തിരുവനന്തപുരം സ്വാഗതവും സുരേഷ് മാത്തൂർ നന്ദിയും രേഖപ്പെടുത്തി.
ഷറഫുദ്ദിൻ കണ്ണേത്ത് (കെ.എം.സി.സി), ബി.എം. ഇക്ബാൽ (കെ.കെ.എം.എ), ഷെരീഫ് പി.ടി (കെ.ഐ.ജി), കണ്ണൂർ ഡി.സി.സി സെക്രട്ടറി വി.സി നാരായണൻ, സാംസ്‌കാരിക പ്രവർത്തകരായ സിദ്ദിഖ് വലിയകത്ത് , ഒ.ഐ.സി.സി ജനറൽ സെക്രെട്ടറിമാരായ വര്ഗീസ് ജോസഫ് മാരാമൺ, ജോയ് ജോൺ തുരുത്തിക്കര, സെക്രട്ടറി ജോയ് കരുവാളൂർ , ട്രഷറർ രാജീവ് നടുവിലേമുറി, വനിതാവിഭാഗം ജനറൽ സെക്രട്ടറി ഷെറിൻ ബിജു , ബഷീർ ബാത്ത, ഷംസുദ്ദിൻ താമരക്കുളം, വിബീഷ് തിക്കോടി, വര്ഗീസ് പോൾ, റൈജു അരീക്കര (തിരുവല്ല അസോസിയേഷൻ) തുടങ്ങിയവർ ആശംസകൾ അറിയിച്ചു.കുവൈറ്റിലെ സാമൂഹ്യ, രാഷ്ട്രീയ, സാംസ്‌കാരിക, മാധ്യമ രംഗങ്ങളിലെ പ്രതിനിധികൾ പങ്കെടുത്തു. ഒ.ഐ.സി.സി യൂത്ത് വിങ് , ഒ.ഐ.സി.സി ജില്ലാ ഭാരവാഹികൾ, വിവിധ പോഷക സംഘടനാ പ്രതിനിധികൾ , വനിതാ വിഭാഗം പ്രതിനിധികൾ പരിപാടിയുടെ ഏകോപനം നിർവഹിച്ചു.
