കുവൈറ്റ് ടിവി, റേഡിയോ ചാനൽ പരിപാടികൾ ഇനി മുതൽ 51 കുവൈറ്റ്-ടിവി ആപ്പിലും

കുവൈറ്റ്: കുവൈറ്റ് ടിവി, റേഡിയോ ചാനൽ പരിപാടികൾ ഉപയോക്താക്കൾക്ക് എവിടെയും എപ്പോൾ വേണമെങ്കിലും ലഭിക്കുന്നതിനായി 51 കുവൈറ്റ്-ടിവി ആപ്പ് ഇൻഫർമേഷൻ ആൻഡ് കൾച്ചർ മന്ത്രി അബ്ദുൽറഹ്മാൻ അൽ മുതൈരി ഔദ്യോഗികമായി പുറത്തിറക്കി.

1951 മെയ് 12 ന് കുവൈറ്റ് റേഡിയോ സംപ്രേക്ഷണം ആരംഭിച്ചതിന്റെ 73-ാം വാർഷികത്തിന്റെ ഭാഗമായി കൂടിയാണ് ഡിജിറ്റൽ പ്ലാറ്റ്‌ഫോം ആരംഭിക്കുന്നതെന്ന് അദ്ദേഹം വ്യക്തമാക്കി. പുതിയ ആപ്പ് ലോഞ്ച് ചെയ്യുന്നതിലൂടെ ഈ മേഖലയിലെ സാങ്കേതിക വികാസങ്ങൾക്കൊപ്പം കുവൈറ്റിന്റെ മുന്നേറ്റമാണ് മന്ത്രാലയം ലക്ഷ്യമിടുന്നതെന്ന് അദ്ദേഹം വ്യക്തമാക്കി. പ്ലാറ്റ്‌ഫോം സുരക്ഷിതവും കുടുംബ സൗഹൃദവുമാകുമെന്നും സമൂഹത്തിന്റെ മൂല്യങ്ങൾ സംരക്ഷിക്കാനും വ്യത്യസ്ത അഭിരുചികൾക്ക് യോജിച്ച എല്ലാ ക്രിയേറ്റീവ് ആശയങ്ങളും ഉൾക്കൊള്ളാനും സഹായിക്കുമെന്നും മന്ത്രി പറഞ്ഞു. കുവൈറ്റ് ചാനലുകളിൽ കാണിക്കുന്ന ആർക്കൈവൽ ടിവി സീരീസിനും പ്രോഗ്രാമുകൾക്കുമുള്ള വീഡിയോ ഓൺ ഡിമാൻഡ് സേവനങ്ങളും ടി വി, റേഡിയോ ലൈവ് പ്രോഗ്രാമുകളും ആപ്പിൽ ലഭ്യമാവും.