സ്പോട് അഡ്മിഷൻ

തൃശൂർ: സാങ്കേതിക വിദ്യാഭ്യാസ വകുപ്പിൻ്റെ കീഴിലുള്ള സർക്കാർ എഞ്ചിനീയറിംഗ് കോളജിലേക്കും, മൂന്ന് എയ്ഡഡ് എഞ്ചിനീയറിംഗ് കോളജിലേക്കും ഒഴിവുള്ള ഒന്നാം വർഷ ബി ടെക് /ബി ആർക് എഞ്ചിനീയറിംഗ് പ്രവേശനത്തിന് കീം റാങ്ക് ലിസ്റ്റിൽ ഉൾപ്പെട്ടവർക്ക് സെപ്റ്റംബർ 11ന് തൃശൂർ ഗവ. എഞ്ചിനീയറിംഗ് കോളജിൽ കേന്ദ്രീകൃത സ്പോട്ട് അഡ്മിഷൻ നടത്തും. സി.എ. പി.ഇ / ഐ.എച്ച്.ആർ.ഡി / എൽ.ബി.എസ് /സി.സി.ഇ /എസ്. സി. ടി / കുസാറ്റ് എന്നീ എഞ്ചിനീയറിംഗ് കോളജിലേക്ക് പ്രവേശനം ലഭിക്കുന്നതിന് ഹെൽപ്പ് ഡെസ്ക് ഉണ്ടായിരിക്കും. രാവിലെ 8 മുതൽ ഉച്ചയ്ക്ക് 12 വരെയുള്ള സമയത്ത് രജിസ്ട്രേഷൻ പൂർത്തീകരിക്കുന്ന വിദ്യാർഥികളെ മാത്രമേ സ്പോട്ട് അഡ്മിഷനു പരിഗണിക്കൂ. പ്രവേശനം ലഭിക്കുന്നവർ ഡിജി പേ/ ക്യു ആർ കോഡ് മുഖേന ഫീസ് അടയ്ക്കണം. വിശദ വിവരങ്ങൾ www.gectcr.ac.in ൽ ലഭിക്കും.