ഓണത്തിന് റെക്കോർഡ് വില്പനയുമായി മിൽമ

ഓണക്കാലത്ത് പാൽ, തൈര്, മറ്റുൽപ്പന്നങ്ങൾ എന്നിവയുടെ വിൽപ്പനയിൽ സർവകാല റെക്കോർഡുമായി മിൽമ. തിരുവോണത്തിന് മുൻപുള്ള ആറ് ദിവസങ്ങളിലായി സർക്കാർ ഉടമസ്ഥതയിലുള്ള സഹകരണസംഘം വഴി 13347013 ലിറ്റർ പാലും 1495332 ലിറ്റർ തൈരുമാണ് വിറ്റഴിച്ചത്. ഐസ്‌ക്രീം, പേട, പനീർ, വിവിധയിനം പായസക്കൂട്ടുകൾ തുടങ്ങി എല്ലാ ഉത്പന്നങ്ങളുടെയും വിൽപ്പനയിലും വർധന രേഖപ്പെടുത്തി. ചരിത്രത്തിലെ ഏറ്റവും വലിയ വർധനയാണ് ഉണ്ടായിട്ടുള്ളതെന്ന് മിൽമ എറണാകുളം മേഖലാ യൂണിയൻ ചെയർമാൻ എം.ടി. ജയൻ അറിയിച്ചു.