നവോദയ വിദ്യാലയ ആറാം ക്ലാസ് പ്രവേശനപരീക്ഷ; രജിസ്‌ട്രേഷന്‍ തീയതി നീട്ടി
ജവഹര്‍ നവോദയ വിദ്യാലയങ്ങളില്‍ ആറാം ക്ലാസ് പ്രവേശനത്തിനുളള സെലക്ഷന്‍ ടെസ്റ്റിന്റെ രജിസ്‌ട്രേഷന്‍ തീയതി നീട്ടി. ഒക്ടോബര്‍ ഏഴ് വരെ ജവഹര്‍ നവോദയ വിദ്യാലയ സെലക്ഷന്‍ ടെസ്റ്റിന് (ജെഎന്‍വിഎസ്ടി) അപേക്ഷിക്കാം, താത്പര്യമുള്ള വിദ്യാര്‍ഥികള്‍ക്ക് ഔദ്യോഗിക വെബ്‌സൈറ്റിലൂടെ അപേക്ഷിക്കാം. ജെഎന്‍വിഎസ്ടി 2025 രജിസ്‌ട്രേഷന്‍ പൂര്‍ത്തിയാകണമെങ്കില്‍ രജിസ്‌ട്രേഷന്‍ നമ്പറും ഡേറ്റ് ഓഫ് ബര്‍ത്തും വേണം. നവോദയ വിദ്യാലയ സമിതിയാണ് പുതുക്കിയ തീയതികള്‍ പ്രഖ്യാപിച്ചത്.
