സംസ്ഥാന സ്കൂൾ കായിക മേള നവംബർ 4 മുതൽ 11 വരെ
സംസ്ഥാന സ്കൂൾ കായികമേള നവംബർ 4 മുതൽ 11 വരെ നടക്കുമെന്ന് വിദ്യാഭ്യാസ മന്ത്രി വി ശിവൻകുട്ടി. എറണാകുളത്താണ് കായിക മേള നടക്കുന്നത്. 17 വേദികളിലായാണ് മത്സരങ്ങൾ നടക്കുക. കായിക മേളയുടെ ഉദ്ഘാടന വേദിയിൽ നടൻ മമ്മൂട്ടി എത്തും. 24,000 കായിക താരങ്ങൾ മേളയിൽ പങ്കെടുക്കും. സവിശേഷ പരിഗണന അർഹിക്കുന്ന (ഭിന്നശേഷി) കുട്ടികളെ കൂടി ഉൾപ്പെടുത്തിയാകും സംസ്ഥാന സ്കൂൾ കായിക മേള സംഘടിപ്പിക്കുകയെന്ന് വിദ്യാഭ്യാസ മന്ത്രി വി ശിവൻകുട്ടി പറഞ്ഞു. ഏറ്റവും കൂടുതൽ പോയിന്റ് നേടുന്ന ടീമിന് മുഖ്യമന്ത്രിയുടെ എവർ റോളിങ് ട്രോഫി സമ്മാനമായി നൽകും. തക്കുടു (അണ്ണാറക്കണ്ണൻ) ആണ് മേളയുടെ ഭാഗ്യചിഹ്നം. മത്സരങ്ങൾ രാത്രിയിലും പകലുമായി നടത്തും.
