ഡിപ്ളോമ കോഴ്സിലേക്ക് (ഈവനിംഗ് ബാച്ച് ) അപേക്ഷ ക്ഷണിച്ചു
കൊച്ചി: കേരള മീഡിയ അക്കാദമിയുടെ ന്യൂമീഡിയ & ഡിജിറ്റല് ജേര്ണലിസം ഡിപ്ളോമ കോഴ്സിലേക്ക് (ഈവനിംഗ് ബാച്ച് ) അപേക്ഷ ക്ഷണിച്ചു. 6 മാസമാണ് കോഴ്സിൻ്റെ കാലാവധി. കൊച്ചി, തിരുവനന്തപുരം കേന്ദ്രങ്ങളില് വൈകീട്ട് 6.00 മുതല് 8.00 വരെയാണ് ക്ലാസ് സമയം. ഒരേ സമയം ഓണ്ലൈനിലും ഓഫ്ലൈനിലും ക്ലാസ് ലഭ്യമാണ്. സര്ക്കാര് അംഗീകാരമുള്ള കോഴ്സിന് 35,000 രൂപയാണ് ഫീസ്. ഡിഗ്രിയാണ് വിദ്യാഭ്യാസയോഗ്യത. പ്രായപരിധി ഇല്ല. ജേര്ണലിസം,മോജോ, ഡിജിറ്റല് മാര്ക്കറ്റിംഗ് കണ്ടൻ്റ് റൈറ്റിംഗ് ടെക്നിക്ക്സ്, ഫോട്ടോ ജേര്ണലിസം,വീഡിയോ എഡിറ്റിംഗ് തുടങ്ങിയ വിഷയങ്ങളില് പ്രായോഗിക പരിശീലനം നേടി തൊഴില് സാധ്യതയുള്ള സര്ക്കാര് അംഗീകൃത യോഗ്യത നേടാം. അനുദിനം മാറുന്ന നവീന സാങ്കേതികവിദ്യകള് സ്വായത്തമാക്കുന്നതിലൂടെ ഓണ്ലൈന് മാധ്യമമേഖലയുടെ അനന്തസാധ്യതകള് ഉപയോഗപ്പെടുത്താന് കോഴ്സ് ഉപകരിക്കും. ഓണ്ലൈനായി അപേക്ഷിക്കുന്നതിന് മീഡിയ അക്കാദമിയുടെ www.kma.ac.in എന്ന വെബ്സൈറ്റ് സന്ദര്ശിക്കുക. https://forms.gle/Vxyk4Z4FrR8DwMUv9 എന്ന ലിങ്കിലൂടെയും അപേക്ഷ സമര്പ്പിക്കാം ഫോണ്: 0484 2422275, 2422068, 9388959192,04712726275 അവസാന തിയതി നവംബര് 15. വിലാസം സെക്രട്ടറി , കേരള മീഡിയ അക്കാദമി , കാക്കനാട്, കൊച്ചി 682030
